Дэлхийн шинэ амжилт

2012-10-18, 03:00

14,966

43 настай Австрийн тамирчин Феликс Баумгартнер (Felix Baumgartner) өнгөрсөн Бямба гаригт 39,000 метрийн өндрөөс үсэрсэн байна. Энэхүү осолтой үсрэлтийг хийхийн тулд тэрээр агаарын бөмбөлөг дээр суурилуулсан жижиг хэмжээний бортог дотор сууж үл харагдам өндөрт гарсан бөгөөд энэ нь дэлхийн хэд хэдэн томоохон амжилт болох (чөлөөт уналт, дуу авианы хаалт) зэргийг эвдсэн аж. Түүнийг маш олон хүмүүс дэмжиж байсан хэдий ч нилээд санаа зовсон нь ойлгомжтой. Ингээд энэхүү зоригт тамирчны үсрэлтийн үеэр хийсэн зураг болон бичлэгийг хүлээн авч үзэцгээе.

Тэрээр өөрийн сууж явсан бортогноосоо гарсны дараа 4 минутын турш тэрээр чөлөөт уналт болон дуу авианы хаалтан дор байсан байна. Энэхүү үсрэлтийг хийхийн тулд тэрээр нийт 9 мин 3 секунд зарцуулсан бөгөөд 1137км/цаг хурдтай буусан байна. 4 минутын дараа тэрээр шүхрээ нээсэн бөгөөд амжилттай газарджээ.

Хэрвээ Феликс чөлөөт уналтын үеэр өөрийн биеийн тогтвортой байдлыг олж чадаагүй байсан бол шүхэр нээгдэхгүй байх аюул тулгарч болох байсан аж. Феликс энэ үсрэлтийг хийхийн тулд 5 жилийн турш бэлдсэн байна.

“Чөлөөт уналтыг хянахад миний бодож байснаас хамаагүй хэцүү байсан боловч аз болоход биеийнхээ тэнцвэрийг олж чадсан юм. Энэ өндөрт байхад яг л гипстэй гар мэт юу ч мэдрэхгүй байсан” -хэмээн Феликс ярьсан байна.