Хос түлхүүрийн азтанууд байр, машиныхаа гэрчилгээг гардлаа

‘’Байр машин хосоор нь хожих’’ Мобилотто сугалаат урамшууллыг 8/20-ноос 9/24-ний өдрүүдэд зохион явуулж, амжилттай өндөрлөлөө. Таван супер азтанаа өнөөдөр Мобиком корпорацийн удирдлагууд хүлээн авч байр, машины эзэмшлийн гэрчилгээг нь гардууллаа.

-   Мобилоттоны хамгийн анхны супер азтанаар 944556** дугаартай эх орны минь хоймор нутаг Хөвсгөл аймгийн Жаргалант сумын 11-р ангийн сурагч Э.Даваадалай,

-   Хоёр дахь азтанаар 952593** дугаартай Улаанбаатар хотын хэрэглэгч Нийслэл цагдаагийн газрын Хэв журмын хэлтсийн ахлах байцаагч, хошууч Оргилын Орхон

-   3 дахь азтанаар 991788xx дугаартай наран мандах нутаг Дорнод аймгийн Хэрлэн сумын хэрэглэгч П.Нацагням

-   4 дэх азтанаар 9957xxxx дугаартай Дорнод аймгийн Дашбалбар сумын Буриад зоны төлөөлөл М.Ганчимэг

-   5 дахь азтанаар 954691xx дугаартай Хутагт хувилгаадын нутаг Завхан аймгийн Улиастай сумын хэрэглэгч С.Даваадорж нар шалгарлаа.

Мобилотто сугалаат урамшууллаар 150,000 хүртэлх хэрэглэгч 5000 нэгж, 15,000 хүртэлх хэрэглэгч Мобикомын 1,3 сая хэрэглэгчийн сүлжээнд бүтэн сарын турш үнэ төлбөргүй ярих Cardplus үйлчилгээний азтан болсон бол 15 хэрэглэгч шинэ ухаалаг гар утасны эзэн болж, 5 айл цоо шинэ байр, цоо шинэ машины хос түлхүүрийн эзэн боллоо. Ийнхүү 5 долоо хоногийн турш үргэлжилсэн Мобилотто хөөр баяр, аз жаргалаар дүүрэн 5 өрхийн мөрөөдлийг бодит амьдрал болгож, амжилттай өндөрлөлөө.

Эх орны минь 4 зүг, найман зохист аж төрөн суугаа Мобикомын 1,3 сая хэрэглэгчдийн дундаас тодорсон азтай, хийморьтой хэрэглэгчиддээ дахин дахин баяр хүргэе.

Таны тэмүүлэл биднийг хөтөлнө.