ТАНЫ ТӨЛӨӨ

ТАНЫ ТӨЛӨӨ - 20 ЖИЛ

Үүсгэн байгуулагдсаны 20 жилийн ойг тохиолдуулан Номингийн хамт олон Төрсөн өдрийн баяраа үйлчлүүлэгчид болон өөрсдийн ажилчид, дотоод, гадаадын түншүүдтэй хамт бүтэн жилийн туршид тэмдэглэн өнгөрүүлж байгаа билээ. Оны эхэнд үйлчлүүлэгчиддээ зориулж нийт 8438 хүнийг азтан болгох хоёр тэрбум төгрөгийн шагналын сантай ТЭРБУМТАН сугалаат худалдааг зарласан бол наадмын өдрүүдэд хамтран ажилладаг гадаадын түншүүдээ Монголд урьж, төрсөн өдрийн баяраа хамтдаа тэмдэглэн өнгөрүүллээ.

“Таны Төлөө - 20 жил” төрсөн өдрийн ойн арга хэмжээнд технологийн гайхамшгийг мэдрүүлэгч Sony, Sharp, Hitachi, гоо сайхны охин тэнгэр L’Oreal, хурд хүчний эзэн Chevrolet, амтат Любимый Сад, CherryQueen, MacCoffee тэргүүтэй дэлхийд нэр, сүрээ цайз мэт өндөрт бэхжүүлж чадсан брэндүүд буюу 11 орны 62 төлөөлөгчид тэр дундаа, тэднийг амжилтанд хөтөлсөн захирлууд, менежерүүд Номингийн Төрсөн өдөрт нэг дор цугласан билээ.

Монголд ирсэн дөрвөн өдрийн хугацаандаа Үндэсний Их Баяр Наадам үзэж, Номингийн бизнесийн үйл ажиллагаатай танилцан, Монгол орны үзэсгэлэнт байгалиар аяласан төлөөлөгчид өндөр сэтгэгдэлтэй нутаг буцацгаасан юм.

Сардаа сая шахам хүрдэг эрхэм үйлчлүүлэгчиддээ, хамтран ажилладаг дотоод гадаадын компаниуд болон үе үеийн Номинчууддаа, тэдний гэр бүлийхэнд НОМИНГИЙН 20 жилийн ойн халуун мэндийг хүргэе.