Оросын эсрэг авч буй нэмэлт хоригийн жагсаалтад Владимир Путины ойрын хүрээнийхэн, тэр дундаа охидынх нэр багтсан болохыг Цагаан ордноос мэдээлжээ. Түүнчлэн ОХУ-ын Гадаад хэргийн сайд Сергей Лавровын гэр бүлийг ч жагсаалтад нэмжээ. Путины насанд хүрсэн охид болох Катерина Тихонова, Мария Воронцова нарыг эцгийнхээ нуугдмал хөрөнгийг хянах, удирдах ажлыг эрхлэн гүйцэтгэдэг байж болзошгүй үндэслэлээр хоригт оруулжээ.

МУ-ын Ерөнхийлөгч У.Хүрэлсүх өнөөдөр УИХ-ын дарга, ЕС, УИХ-ын байнгын хороодын дарга нар, Засгийн газрын гишүүд, УИХ дахь МАН-ын бүлгийн дарга, гишүүдэд үүрэг, чиглэл өглөө. 

Тэрбээр "Дэлхий ертөнцийн нөхцөл байдал хүнд байгааг ойлгож байгаа. Цар тахалтай хоёр жил тэмцлээ. Араас нь Орос, Украины асуудал үүссэн. Хүнсээ гадаадаас авмааргүй байна. Өөрсдийн гэсэн эрчим хүчний эх үүсвэр, нефть шатахуунтай байх нь чухал. МУ цаашдаа тусгаар тогтносон эдийн засгийн хараат бус, бие даасан улс болох шаардлагатай байна. Ард түмэндээ худлаа хэлж болохгүй. Байгаа нөхцөл, хөрөнгө мөнгөө үнэнээр хэлэх хэрэгтэй. Чадах, чадахгүйгээ хэлж бай. Ард түмэн ойлгоно. Хэрэгцээгүй бүх зардлуудыг тана" гэжээ.

Үнийн хөөрөгдлийн эсрэг өнөөдөр Сүхбаатарын талбайд жагсаал зохион байгуулах албан ёсны зөвшөөрлийг авсан тухай "BRB" компанийн Гүйцэтгэх захирал Ж.Энхжаргалан өчигдөр өөрийн цахим хуудсаараа дамжуулж мэдээлсэн. Тэгвэл жагсаал хийх хугацааг ирэх долоо хоног хүртэл хойшлуулахаар болсон юм. Энэ талаар "Цугласан олон мянган иргэдийг бидний зорилгоос өөрөөр ашиглах, нийгмийн үймээн самуун, турхиралт, эмх замбараагүй байдал руу оруулж хяналтаас гарсан зүйл рүү түлхэж буруугаар ашиглагдах болоод явчихлаа. Иймд жагсаалыг долоо хоногоор хойшлуулж байна" гэв. 

"Монголдоо сайхан амьдаръя" хөдөлгөөн хүрээгээ тэлсээр гадаадад сурч, ажиллаж, амьдардаг залуус нэгдэж эхэллээ. Ингэснээр үнийн хөөрөгдөл, авлига, шударга бус тогтолцоог эсэргүүцсэн уг тэмцэл улам өргөжиж байна. Жагсаалд аймаг, орон нутаг, гадаад улсаас иргэд нэгдэж буйгаа цахим хуудсаараа мэдэгдсээр байна.  

Шүүхийн шинжилгээний тухай хуулийн шинэчилсэн найруулгын төсөл болон дагалдах хуулийн төслүүдээс онцлох заалтыг танилцуулж байна.

Гэмт хэргийн улмаас хохирогч нас барсан бол түүний гэр бүлийн гишүүний сэтгэцэд учирсан хор уршгийг арилгах, нөхөн төлөх төлбөрийн хэмжээг хөдөлмөрийн хөлсний доод хэмжээг 150 дахин нэмэгдүүлсэнтэй тэнцэх хэмжээгээр, эсхүл нас барсан хүний нас, хүн амын дундаж наслалтын зөрүүг хөдөлмөрийн хөлсний доод хэмжээг тав дахин нэмэгдүүлсэнтэй тэнцэх хэмжээний мөнгөн дүнгээр үржүүлэн хохирогчид аль ашигтайгаар шүүхээс тогтоож болно. 

Дэлхийн өнцөг булан бүрд хэдэн арван мянган хүн Украиныг эсэргүүцэн жагсаал хийж, 2-р сарын 24-нд эхэлсэн Оросын түрэмгийллийг зогсоохыг шаардсаар байгаа. Харин Орос улс Украин руу довтолсон нь далайд гарцгүй Монголыг эдийн засаг, дипломат байдлын хувьд хүнд байдалд оруулж эхлээд байна.

Соёмботой уулын оройд газар олгожээ. Богдхан уулын дархан цаазат газарт болон Туул голын сав дагуу олгогдсон газруудыг ямар замаар олгосныг нягтлан шалгаж байна. Энэ талаарх мэдээллийг хүн бүхэн ил тод үзэх боломжоор удахгүй хангана хэмээн Байгаль орчин аялал жуулчлалын сайд Б.Бат-Эрдэнэ өчигдөр цахим хуудсаараа дамжуулан мэдээлэв.