Эхийнхээ хэвлийд бүрэн тээгдэлгүй, энэ хорвоод хэт яаран мэндэлсэн буюу “дутуу төрсөн” гэгддэг хүүхдүүд бол хүн төрөлхний дундах хамгийн эмзэг бодгалиуд гэдэгтэй та маргахгүй байх. Тэд хугацаанаасаа түрүүлж төрсөн болохоор жирийн хүүхдүүдийг бодоход харьцангуй жижиг биетэй, бас эд эрхтнүүд нь бүрэн боожиж амжаагүй байдаг тул зарим эрхтнүүд нь шаардлагатай хэмжээндээ хүртэл хөгжөөгүй байдаг. Тиймээс дутуу төрсөн хэдий ч аав, ээждээ амьд мэнд хүрч ирсэн бяцхан “зочид” нь маш онцгой анхаарал шаардаж, эрчимт эмчилгээ хийлгэх шаардлагатай байдаг билээ. Ямартай ч ийм байдалтай мэндэлсэн хүүхдүүд өсч том болохоороо ямар хүн болдог, бүрэн эрүүлждэг эсэх нь хүүхэд хүүхдээс шалтгаалдаг байна. Ингээд бүгдээрээ ирээдүйг нь, бас амьдрах эсэхийг нь урьдчилан таахын аргагүй боловч хүний биеийн хагасын хагасыг олж, хорвоод мэндэлсэн хамгийн бяцхан биетэй, дутуу тээлттэй нярай хүүхдүүдийн бяцхан түүхтэй танилцацгаая.

Хэвлэл мэдээллийн хэрэгслүүдээр бид кокаин, метамфетамин, героин зэрэг мансууруулах үйлчилгээнтэй өвс, ургамал, бодистой холбоотой мэдээ мэдээллийг байнга хүлээн авч, хүний амьдралыг яаж сүйрүүлдэг, ямар муу үр дагавартайг нь байнга олж мэдэж байдаг. Тэгвэл зарим улс орнуудад хэрэглэхийг огт хориглодоггүй зарим төрлийн хар тамхинууд байдаг ажээ. Тиймээс ч АНУ зэрэг улс орнуудад хар тамхины хольцтой өвчин намдаах эм бэлдмэлийг хэтрүүлэн хэрэглэснээс амь алдах тохиолдол элбэгшээд байгаа аж. Кокаин болон героин агуулсан ийм төрлийн өвчин намдааж, тайвшруулах эм бэлдмэлүүдийг ихэвчлэн эмчийн тусгай жороор өгдөг боловч хууль бус аргаар их хэмжээгээр борлуулдаг газрууд ч байсаар байна. Ингээд хамгийн аюултай боловч хэрэглээг нь хуулиар хориглоогүй 7 төрлийн хар тамхийг танд танилцуулж байна. Мэдэхэд илүүдэхгүй шүү дээ.

Лондон дахь Альберт болон Виктория-гийн музейд хэд хоногийн өмнө нэхмэлийн урлагийн ер бусын бүтээлийг олон нийтэд танилцуулжээ. Энэхүү цэвэр байгалийн онцгой эдээр бүтсэн даашинзыг гоёлын даашинз, эсвэл нөмрөг хэлбэрээр хэрэглэх боломжтой юм байна. Даашинзыг нь Мадагаскарын дугариг тор сүлждэг аалзны шүлсээр нэхсэнээрээ онцлог ажээ. Ингээд гар урлалын нөр их хөдөлмөр, ухаан шингэсэн цор ганц алтан өнгийн даашинзтай танилцацгаая.

Дэлхий дахинд хамгийн хүнд хэцүү уралдаанд тооцогддог "Tough Guy" тэмцээн нь Английн Пертон хотод болж өнгөрчээ. Жил бүр энэхүү тэмцээнд оролцохоор мянга мянган эрэгтэй, эмэгтэй хүмүүс цугларч, мөстсөн шалбааг, өргөст тор, галан дундуур гүйн харайдаг бөгөөд биеэ урж, түлж, хөлдөөж, тогонд цохиулж, сөрмөсөө сунгаж, ясаа хугалах нь хэвийн үзэгдэл байдаг байна. Энэ бүхнийг тэд зөвхөн "Tough Guy"-д ялахын тулд нь хийдэг ажээ. Шагнал нь мэдээж өндөр байдаг байх, бас түүнээс гадна Tough Guy буюу "Мундаг залуу" эсвэл "Мундаг бүсгүй" нэрийг олж авах нь тэдэнд хамгийн чухал байдаг нь гарцаагүй. Ингээд энэ жилийн Tough Guy-ийн оролцогчдийн дүр зурагтай танилцацгаая.

10 гаран хүүхэдтэй айл ч тун цөөхөн таардаг болсон өнөө үед 12 охинтой, ганцхан хүүтэй нэгэн гэр бүл байдаг ажээ. Арван гурван хүүхэдтэй энэ айлын удам залгах ганц хүү болох 22 настай Даниел нь ямартай ч ховорхон тохиох азтай нэгэн биш гэж үү? Яагаад ч юм энэ гэр бүлийг түүний өнцгөөс харахыг хүссэн юм. Хамгийн саваагүйгээр бодоход л түүний эгч нар эсвэл эмэгтэй дүү нарын найзууд гэж үй олуулаа байдаг байх. Тэр дундаас нь манай нөхөр танилцаж, нөхөрлөхийг үзүүлж өгдөг байлгүй. Ямартай ч эмэгтэй хүний тал дээр алзахгүй эр ажээ. Ингээд ийм нэгэн сонирхолтой гэр бүлийн фото агшнуудтай танилцацгаая.

Цаг үе бүхэн өөр өөрийн гэсэн гоо сайхны стандарттай байдаг. Бидний амьдарч буй үед бүсгүйчүүдийг гоо сайхны 90-60-90 гэсэн параметраар хардаг болжээ. Олон бүсгүй ямар ч байсан энэ стандартад өөрийгөө тааруулахыг эрмэлздэг болсон. Гэвч эрдэмтдийн үзэл энэ стандартын талаар арай өөр бодолтой байна. Тэд уг стандартыг эмэгтэйлэг бус хэмээн үнэлж байна. Тэгээд ч ийм үзүүлэлттэй эмэгтэй хүнийг цоо эрүүл гэх боломжгүй ажээ.

Сан-Диего-гийн гэрэл зурагчин Тим Мэнтоани нь хамгийн алдартай гэрэл зургийг авсан зурагчдын төрхийг олон нийтэд хамгийн энгийн аргаар харуулахыг зорьжээ. Ингээд тэрээр ‘Behind Photographs: Archiving Photographic Legends’ хэмээх цомогтоо Дэлхийд алдаршсан өөрийн зургийг өмнөө барьсан гэрэл зурагчдын хөргийг багтаасан байна. Энэхүү ажлаа 5 жилийн турш гүйцэтгэж байгаа Тим нь хүн бүр л гэрэл зурагчин болдог болсон өнөө үед домог болон мөнхрөх шилдэгийн шилдэг бүтээлийг бий болгох нь тийм ч хялбар зүйл биш гэдгийг олонд харуулахын тулд үүнийг хийснээ хэлжээ. Домог болсон гэрэл зурагнуудыг зурагчидтай нь хамт харуулснаараа тэдэнд хүртэх ёстой хүндэтгэлийг нь хүлээлгэж байгаа хэрэг гэж Тим үзэж байгаа юм. “Эдгээр хүмүүс болон тэдний мэргэжлийн ур чадвар байгаагүй бол үнэ цэнийг нь цаг хугацаа өнгөрөх тусам улам мэдэрдэг цуутай гэрэл зурагнууд бий болохгүй байсан”- гэж тэр нэмж хэлжээ.

“Соёлт иргэний сайн сайхан зан чанарыг эрхэмлэн дээдэлж, үнэнч ариун хайрыг бусдын сайн сайхны төлөө зориулан, гүн хүндэтгэлтэйгээр амьдрахаа тангараглаж байна”- гэж эхэлдэг гэр бүлийн ариун тангараг, гэрлэх ёслолын туйлын мөн чанар болсон насны эцэс хүртэл үнэнчээр ханилах нандин сэтгэл энэ цагийн алдартнуудын дунд байдаггүй юм биш биз гэж бодогдох боллоо. 7 жил ханилсан Хайди Клум, нөхөр Сил-тэйгээ сарниж байгаа гэнэ, насны зөрүүтэй ч жаргалын оноотой Эштон Катчер, Деми Мур хоёр мөр мөрөө хөөхөөр болсон гэхчлэн мэдээллүүд бидэнд илэрхий болсон. Ингээд бодохоор алдар нэр, эд хөрөнгөтэй л бол салж сарних энүүхэнд, хайрын тангараг юу ч биш болчихдог ч юм шиг. Гэхдээ түр азнаарай, юм бүхэн сайн, муу хоёр талтай. Хэдийгээр алдартай гэр бүлийн хувьд гэрлэлтээ хадгалж үлдэх хэцүү байдаг хэдий ч дэлхий дахины итгэлийг хүлээж, салж сарнихгүй байх магадлал хамгийн өндөртэй, үнэнч хосууд олон байна. Ингээд хамгийн алдартай, бас үнэнч хосуудтай танилцая.

13 каратын маргад эрдэнийн шигтгээтэй (1 сая 250 мянган долларын үнэтэй) бөгжийг дархлах үйл явцыг харуулсан сонирхолтой фото нийтлэлийг хүргэж байна. Энэхүү үнэт бөгжний эх биеийг цагаан алтаар хийж, сийлж гаргасан нарийн хэсгүүдийг нь каратын гуравны нэгтэй тэнцэх хэмжээний алмаазан шигтгээгээр бүрж, цагаан алтан угалзуудыг хооронд нь 280 0.7мм-ийн диаметртэй арай том алмаазан шигтгээгээр холбожээ. Ингээд жинхэнэ хувьтай хүний гарыг чимэх учиртай, хамгийн үнэтэй эрдэнийн чулууд болон цагаан алтаар урласан гайхалтай бөгжийг хэрхэн хийж байгаа үйл явцыг танд хүргэж байна.

Байгалийн ер бусын гоо үзэсгэлэн, демографикийн өвөрмөц үзүүлэлт, жуулчдыг татах онцгой байдал зэрэг олон төрлөөр дэлхийн орнуудаас сондгойрсон хамгийн онцлог 9 орныг танд танилцуулж, мөн чухам юу нь энэ улсыг онцгой болгож байгааг тайлбарласан эхийг хавсарган хүргэж байна. Энэ 9 орон дунд эх орон минь байгаа болов уу? Мэдээж тийм. Гэхдээ ямар үзүүлэлтээрээ орсон юм бол?... Ингээд үргэлжлэлээс энэ талаар дэлгэрэнгүй мэдээллийг олж авахыг урьж байна.

Туршлагатай уулчин Ким Ен Чун нь өвлийн жавар тачигнасан энэ өдрүүдэд өндөр уулын оргил дээрхи цасан шуурган дунд ганцаараа 2 өдрийг өнгөрүүлжээ. Такома-гийн тэтгэврийн хөгшин тэрээр саяхан 66 нас хүрчээ. АНУ-ын Вашингтон мужийн Маунт Рейнт-ийн дархан цаазат газраар хийсэн өвлийн уулчдын аялалын үеэр тэрээр шуурганд цохигдож, унахдаа аялалын бусад гишүүдээс төөрсөн байна. Тэд Ким Ен Чун  -ыг өөрсдөө хайж олох боломжгүй байсан тул аврах багийнхныг дууджээ. Нар холдсон улиралд, жаварт ойр, өндөр уулын хаа нэгтээ хоёр хоногийг ганцаар өнгөрүүлэхдээ Ким Ен Чун нь даарахгүйгээс гадна, хөлдөж үхэхгүйн тулд хуурай навч, хог шатааж байсан бөгөөд сүүлрүүгээ өөрийн оймс, биедээ авч явсан бүх долларын тэмдэгтээ шатаасан байна.

Хүн төрөлхтөн шинжлэх ухаанд хөтлөгдсөн хэт хатуу бас материаллаг үзлээсээ бага багаар оюунлаг талруу өөрчлөгдөж, бодол санаа, оюун ухаанд илүү итгэх болсон өнөө үед “хүн мичнээс үүссэн”, “ялаа болон бусад шавж бохир зүйлээс аяндаа бий болдог” -мэтийг сургадаг Дарвины онолд үг дуугүй итгэхээ түр азнах болсон. Дарвины онолыг өнөөдөр бид янз янзаар хүлээн авч, үнэн эсэхэд нь маргалдсаар байгаа билээ. Тэгвэл нэгэн хөгжилтэй сармагчны түүхийг өгүүлэх фото нийтлэлийг танд хүргэж байна. Мэдээж ганц сармагчны ухаалаг үйлдэл Дарвины онолыг батлахгүй ч гэсэн, Канзи гэдэг нэртэй 31 настай шимпанзе нь өөрөө гал түлж, хоол болгон идэж сурчээ.