АНУ-ын конгресст Ардчилсан намаас сонгогдсон төлөөлөгч Кэти Хилл туслахуудынхаа нэгтэй ёс бус харилцаа үүсгэсэн гэх үндэслэлээр үүрэгт ажлаасаа өөрийн хүсэлтээр чөлөөлөгдсөн нь энэ 7 хоногт дэлхий дахины анхаарлыг татсан юм. Тэрээр нөхөр болон туслах эмэгтэйн хамт садуур самуун явдалд тооцогдохуйц үйлдэл хийсэн нь олон нийтэд ил болсон байна. Цахим орчинд нийтлэгдэн шуугиан тариад байгаа улс төрчийн нүцгэн зурагтай холбогдох асуудалд Цагаан ордны ёс зүйн хорооноос шалгалт явуулж байгаа аж. 

Хятад загасчид их хэмжээний загас барихын тулд хар галууг туслахаа болгон ашигладаг бөгөөд тэд ус руу шумбан орж загас шүүрч өгдөг байна. Энэхүү хүн амьтны хамтарсан ажиллагаа олон мянган жилийн турш үргэлжилж байгаа ажээ. 

2003 онд Индонезийн Бали арлын ойролцоо орших Флорес арал дээрээс хүн төст амьтдын бүхэл бүтэн бүлгийн үлдэгдэл олджээ. Олдворыг судалж үзсэн палеоантропологичид тэдний өндрийг 1 метр ч хүрэхгүй гэдгийг тогтоож, "Homo hobbitus" хэмээн нэрлэсэн байна. Мөн тэдний хамт эдэлж хэрэглэж байсан зүйлс болох чулуун хэрэгсэл, шатсан амьтны яс зэрэг олдсон аж. 

Бүсгүйчүүд өдөрт дунджаар 70 удаа толинд хардаг гэсэн судалгаа гарчээ. Хэт олон юм шиг санагдаж болох ч бүсгүйчүүдийн хувьд энэ хэвийн үзэгдэл юм. Учир нь гэвэл эмэгтэйчүүд нүүрээ будахаасаа өмнө, будаж байхдаа, дараа нь үсээ харах гээд маш олон удаа толинд хардаг. Хамгийн хачирхалтай нь зургаа авахуулаад царайгаа харахад толинд харснаас тэс өөр байдаг шүү дээ. Тэгвэл иймэрхүү асуудал хүн бүрд тохиолддог гэнэ.

Химийн бодисын нэгдлүүд нь хүн төрөлхтний хувьд үхэлд хүргэх аюулт өвчнүүдийг анагаах үнэ цэнэтэй шидэт эм болохын зэрэгцээ үхлийн аюул ч дагуулсаар байдаг. Тиймээс бидний эргэн тойронд өргөн тархсан, түгээмэл хэрэглэгддэг зарим химийн бодисууд хүний амь нас, эрүүл мэндэд ямар сөрөг нөлөө учруулж болохыг мэдэж байхад илүүдэхгүй биз ээ. 

Анх Германы Вермахтын цэргүүд өнөө үед холын замд бензин, түлш хийж явдаг сав болох төмөр канистрыг үйлдвэрлэж хэрэглэж байжээ. Эхэндээ тус савыг 2 бариултай үйлдвэрлэж байсан ч хожим шинэчлэн сайжруулахдаа 3 бариултай болгон өөрчилжээ. Тэгвэл яагаад 3 бариултай хийх болсныг дараах мэдээллээс уншаарай. 

Британи гаралтай Австралийн иргэн Иан Ашер гэр бүл салалтын дараагаар ирээдүйнхээ тухай нухацтай бодож эхлэв. Эхнэрээсээ салсан, ганц байшинтай, жижиг дэлгүүрт худалдагч хийдэг гэхээс өөр зүйлгүй үлдсэн 44 настай эрийн хувьд дунд насны хямрал болон сэтгэлийн шаналалд өртөх нь ердийн зүйл байв. Гэвч тэрээр хувь тавилангаа өөрчлөх зоригтой шийдвэр гаргажээ. Иан Ашер бүх эд хогшлоо "eBay" дээр тавьж зарсан байна. Тэрээр өнгөрсөн бүхнээс ангижирч өөрийн хамгийн нандин мөрөөдлөө биелүүлэхээр зориг шулууджээ.

1960-аад онд сансрын эрин үе эхэлснээр хүүхэд бүр сансрын нисэгч болохыг хүсэх болсон гэхэд хилсдэхгүй. Тухайн үед мэргэжлийн нисгэгч, цэргийнхэн л сансарт нисдэг байсан бол өнөө үед эмч, шинжлэх ухааны эрдэмтэд, бүр багш нар хүртэл дэлхийн тойрог замд ажиллаж, амьдрахаар бэлтгэгддэг болжээ. Гэсэн ч сансарт нисэхээр сонгогдсон хүмүүс биеийн бялдар, эрүүл мэндийн хувьд өндөр шаардлага хангахаас гадна зохих боловсролтой, мэргэжлийн сургалтад хамрагдсан байх ёстой. 

Дэлхийн томоохон хотуудын нүүр царай, хөгжил дэвшил нь нийтийн тээврийн үйлчилгээгээр илэрдэг. Берлин, Хонконг, Лондон, Парис зэрэг хотуудын нийтийн тээвэр хамгийн дэвшилтэт, боловсронгуй, хүртээмжтэйд тооцогдох бөгөөд эдгээр нийтийн тээвэр сайн хөгжсөн хотуудад ажиллаж амьдрахад хувьдаа машингүй байсан ч танд хотын хаана ч очиход ямар ч хүндрэл гарахгүй. Ингээд нийтийн тээврийн үйлчилгээгээр дэлхийд тэргүүлдэг 10 хотыг танилцуулж байна. 

Небраска мужийн Омаха хот дахь нэгэн автомашины зогсоолын буланд том чулуу байрлуулжээ. Үүнийг зүлгэн дээгүүр машин явуулахгүй байх, орж ирж буй машинуудаар замын хашлагыг сүйтгүүлэхгүйг байх зорилгоор авчирч тавьсан аж. Гэвч жолоочид чулууг үл тоомсорлон, зам товчлох гэж оролдсон хэвээр байсан нь хүмүүсийг гайхшруулжээ. Энэ тухай мэдээллийг нутгийн иргэд фэйсбүүк хуудаснаа нийтэлж, тэр нь хотод нэлээд алдартай болсон байна. 

Хятадын иргэн 35 настай Шу Шинан хөхний хорт хавдраар нас барсан сүйт бүсгүйдээ үнэнч гэдгээ баталж оршуулгынх нь үеэр цогцостой нь гэрлэжээ. Сүйт залуу ийм хачирхалтай хуримын ёслол хийснээр хайртай эмэгтэйнхээ сүйт бүсгүй болох мөрөөдлийг нь биелүүлж байгаа хэрэг гэсэн байна.

1920 оны 1 сарын 17-ны өдөр АНУ-д согтууруулах ундааг тээвэрлэх, худалдаалах, үйлдвэрлэхийг албан ёсоор хориглосон “Хуурай хууль”- ийг баталж байжээ. Энэ хууль гарснаар архи дамлан наймаалагчид сая сая литр нэрмэл үйлдвэрлэж, нууцаар зарах болсноор зохион байгуулалттай гэмт хэрэг цэцэглэж, улс орон даяар нууц  клубууд мянга мянгаараа үүсч ерөнхийдөө Америкийн архины үйлдвэрлэл тэр чигтээ далд болсон юм.