1 Та хоёрын хэрүүл ертөнцийн төгсгөл биш

Та хоёр бусдын адилаар хэрэлддэг ч маш амархан эв зүйгээ олдог. Нэгдүгээрт, та хоёр нэг нэгнээ алдахаас айдаг учир өчүүхэн зүйлээс болж энэ харилцааг төгсгөл болгохгүй. Хоёрдугаарт, та хоёр нэг нэгнийхээ үзэл бодлыг хүндэтгэдэг. Гуравдугаарт, та хоёр маргалдаж байсан ч нэг нэгэндээ сэтгэлийн шарх өгдөггүй. Энэ бүх зүйлийн ачаар та хоёрын хэрүүл амархан дуусдаг юм.

2 Нэг нэгнээ эртнээс мэддэг байсан мэт санагдах

Та хоёр танилцаад удаагүй байгаа ч нэг нэгнээ төрсөн цагаасаа мэддэг байсан мэт мэдрэмж төрч байна уу? Та хоёр зарим нэг талаараа адил, хамтдаа өссөн мэт сэтгэгдэл төрж байна уу? Аливаа зүйлд хандах хандлага тань ижил байна уу? Энэ нь таныг санаа нийлсэн хүнтэйгээ учирсан болохыг илэрхийлнэ.

3 Та хоёр нэг нэгнээ маш сайн ойлгодог

Лавлаж асуулгүйгээр та тухайн хүний хэлэх гэж буй зүйлийг шууд ойлгох болно. Ихэнх хайр дурлалын болон найз нөхдийн харилцаанд нэг нэгнээ үг хэлээгүй байхад ойлгох байдал жил ирэх тусам ихэсдэг. Харин зарим тохиолдолд урт удаан хугацаа шаардлагагүй нэгнээ хурдан ойлгодог байна.

4 Ялгаатай байдал нь та хоёрт сөргөөр биш харин ч эерэгээр нөлөөлнө

Хэдийгээр ихрүүд гадаад төрхөөрөө адил байдаг ч зан араншин өөр байдаг. Харин дөнгөж танилцсан хүнтэйгээ зан араншны хувьд өөр байсан ч үүнийг муудалцах шалтгаан бус харин өөрийгөө хөгжүүлэх боломж гэж хардаг.

5 Та хоёр хамтдаа шаналдаг

“Үхэл, амьдралын алинд ч үргэлж хамтдаа” гэдэг үг хайр сэтгэлд төдийгүй, найз нөхдийн харилцаанд ч чухал байр суурь эзэлдэг. Өрөвч хүн асуудалд орсон танилдаа "Би чамайг ойлгож байна" гэж хэлдэг бол дотно найзууд нэгнийхээ шаналлыг өөрийн бие, сэтгэлээр мэдэрдэг.

6 Аз жаргал та хоёрыг илүү дотно болгодог

Хэн нэгний шаналлыг хамтдаа хуваалцаж, сэтгэлийн дэм өгөх нь амархан хэдий ч, аз жаргалыг хуваалцах тийм ч амархан биш. Хэрвээ та найзынхаа амжилтад атаархаагүй, түүний амжилтыг өрсөлдөөний нэг хэлбэр болгоогүй, бусдын амжилтыг үнэ цэнгүй болгоогүй бол та хоёр үнэхээр дотно хүмүүс бололтой.

7 Та өөрийнхөөрөө байж чаддаг

Анх танилцахдаа хүмүүс байгаагаасаа илүү харагдахыг хүсдэг. Бид дотно хүмүүстээ л өөрийнхөө сул тал, галзуу байдлыг харуулж чаддаг. Зарим тохиолдолд өөрийгөө бүрэн илэрхийлэхгүй байх нь ч элбэг.

Энэ нь сэтгэлзүйн аюулгүй байдалтай холбоотой. Өөрийн сул болон өвөрмөц талуудыг харуулснаар та бусдын доог болох магадлалтай байдаг. Харин ойр дотнын хүмүүстэйгээ бид өөрийнхөөрөө чөлөөтэй байж чаддаг.

8 Найзынхаа сул талыг хялбар хүлээж авдаг

Нөхөрлөлд төрөл бүрээр хандаж болно. Ялангуяа хоёр тал хэр их зүйлийг энэ харилцаандаа зориулж байгаа эсэхээр дүгнэж болно.

Гэхдээ өөр өнцгөөс ч дүгнэх боломжтой. Жишээлбэл таны ойр дотнын хүрээлэл дунд бусдын дургүйг ихээр хүргэдэг хүн байж болох ч та  хоёр хамтдаа байхдаа эв зүйгээ гайхалтай сайн олдог байж болно.

9 Хамт байхыг хүсэж байгаа учраас та хоёр хамт байгаа

Та хоёрыг холбож буй хамгийн чухал зүйл бол та хоёр хамтдаа байхыг хүсэж байгаа явдал юм. Гэхдээ энэ нь албан шаардлага байх ёсгүй гэдгийг санаарай.

10 Та зүгээр л түүнийг маш сайн мэднэ

Хэрэв танд хэн нэгнийг хараад түүнд итгэх итгэл төрч, тэр таны ойр дотнын хүн мэт санагдаж байвал өөрсдийн нөхөрлөлийг бататгах зүйл хайх хэрэггүй.