1. Та хоёр ижил орлоготой

Америкийн социологичдын хийсэн саяхны судалгаанаас харахад ижил хэмжээний орлоготой хүмүүс нэг нэгэндээ үнэнч байдаг болох нь батлагджээ. Тэдний үзэж байгаагаар илүү их орлого олдог залуу мөнгөө өөр хэн нэгний төлөө зарцуулах хүсэл, сонирхол ихтэй байдаг гэнэ. Харин ижил орлого нь хос хоёрт нэг нэгнээсээ дутуу эсвэл илүү мэдрэмж огтхон ч төрүүлдэггүй байна.

2. Тэр экстроверт

Гадагшаа сэтгэл хөдлөлтэй буюу экстровертүүд бусдын нөлөөнд автах нь бага. Тиймээс тэд сэтгэл хөдлөлөө чөлөөтэй илэрхийлж өөртөө болон бусдад “үгүй” гэж хэлэх чадвартай.

3. Тэр сэтгэл зүйн хувьд хангалуун байдаг

Эрчүүд өөрийг нь хайрлаад зогсохгүй, түүнд итгэж, түүнийг үнэлдэг гэдгийг мэдрэх ихээхэн дуртай. Судалгаанаас харахад араар тавьдаг залуучуудын ихэнх хувь нь сексийн гэхээсээ илүү сэтгэлийн амар байдлыг өөр эмэгтэйгээс хайдаг гэнэ.

4. Тэр танд үнэтэй бэлэг ховор авч өгдөг

Бүсгүйчүүдийн үзэж байгаагаар үнэтэй бэлэг авч өгөх нь эрэгтэй өөрийн хийсэн буруу үйлдэлд уучлалт гуйж буй хэрэг гэж үздэг байна. Гэхдээ таныг баярлуулах гэсэн алхмыг буруутгаж хүлээж авах хэрэггүй бөгөөд ямар ч бэлгийг аз жаргалтайгаар хүлээж аваарай.

5. Тэр өнөр бүлд өссөн

Дүүтэй эсвэл эгчтэй гэр бүлд өссөн залуус бусдад анхаарал халамж хандуулж сурсан байдаг. Тэр амиа хичээсэн биш бөгөөд бусдын үгийг сонсож, маргааныг зохицуулахын тулд үнэн сэтгэлээсээ ханддаг. Үүнээс гадна найз залуугийн тань ээж, аав хоёр одоог хүртэл хамт амьдардаг бол та хоёр ч үлгэр дуурайлал болсон хос болох магадлалтай. Харин гэр бүлд хэн нэг нь араар тавьдаг, асуудалтай байсан бол энэ асуудал танай гэр бүлд ч нүүрлэж болох юм.

6. Тэр түрүүлж уучлалт гуйдаг

Тэр түрүүлж алдаагаа ухаарч, танаас уучлалт гуйж чадаж байгаа бол тэр ирээдүйн харилцаандаа санаа зовж байна гэсэн үг бөгөөд тантай байх хүсэлтэй байгаа юм. Харин таныг үл тоосон байдалтай байх нь тэр таныг сонирхохоо больсон болохыг илэрхийлнэ.

Түүнчлэн тэр уучлалт гуйхад бэлэн биш байсан ч өөрийн бүхий л сэтгэл хөдлөл, зовнилыг тантай хуваалцаж байвал тэр таныг араар чинь хэзээ ч тавихгүй. Учир нь тэр тайвшралыг өөр газар хайхгүй байна шүү дээ.

7. Тэр танд болон таны ажилд анхаарал хандуулдаг

Хэдийгээр энэ нь энгийн зүйл мэт боловч тэр үнэхээр таныг гэсэн сэтгэлтэй байгааг илэрхийлнэ. Анхаарал хандуулах гэдэг нь хайр халамжаа илэрхийлж буй хэлбэр юм.

 8. Таны хажууд утсаар ярихаас санаа зовдоггүй

Араар тавилтын ноцтой нэг шинж тэмдэг утсаар ярихын тулд өөр өрөөнд орох эсвэл тагтан дээр гарч ярьдаг байж болно. Үүнээс л үл итгэлцэл үүсдэг. Гэхдээ та яарч дүгнэлт битгий гаргаарай. Магадгүй тэр таны хажууд ээжтэйгээ ярихаас ичдэг байж болох юм. Эсвэл танд сюрприз бэлдэж байгаа юм болов уу.

9. Зуршилдаа үнэнч

Тэр үргэлж нэг цагт сэрж, таны хийсэн хоолыг амтархан идэж, нэг төрлийн үнэртэй усаа түрхэж, нэг төрлийн дууг сонсдог. Харин шинэ сонирхолтой болох, арай өөр зүйлд анхаар эхэлж байвал хаанаас энэ бүхнийг сонирхох болсон талаар ажиглаад үзээрэй.

10. Ирээдүйнхээ талаар ярьдаг

Тэр аль хэдийн таны ирээдүйг мэддэг учир хүүтэйгээ хэрхэн хөл бөмбөг тоглож байгаагаа төсөөлдөг ч байж болно. Харин хэдэн жилийн дараа нэг өрөө байраа гурван өрөө болгож сольж байгаагаа ч бодит мэтээр харж, тантай ярилцдаг. Гэхдээ энэ нь тэр таныг араар тавьдаггүй болохын баталгаа биш шүү.

11. Таны анхаарал халамжид дуртай

Таны анхаарал халамж түүнийг бухимдуулах бус харин илүү таатай санагддаг. Тэр найзууддаа таныг гайхуулж, магтах нь түүнд нуух зүйл байхгүй болохыг илэрхийлж байгаа юм.

12. Таны шүүмжлэлийг хүлээж авдаг

Тэр таны шүүмжлэлийг юу ч болоогүй мэт сонсож, цаашид үл тоомсорлосон байж болох юм. Энэ тохиолдолд уурлах хэрэггүй. Тэр таныг араар тавьдаггүй болох нь энэ алхмаар батлагдаж байна.

13. Тэр таныг харддаггүй

Амьдрал дээр хэт их хартай хүмүүс өөрсдөө бодит байдал дээр араар тавьдаг байх тохиолдол элбэг. Мэдээж харилцаанд хардалт гэх зүйл байх хэрэгтэй ч хэмжээг нь заавал тааруулах нь зүйтэй. Үнэнч залуу хэзээ ч хайртай бүсгүйнхээ утсыг шалгаж, эрэгтэй нэртэй дугаар бүр рүү залгахгүй л болов уу.

14. Тэр өглөө тайван сэрдэг

Давхар харилцаатай залуусын хувьд өглөө сэрэх гэдэг аймшигтай зүйл. Тэр хэний гэрт байгаа болохоо мэдэхийн тулд багагүй толгойгоо гашилгадаг байна. Тиймээс ч урд оройны явдлыг удаан гэгч нь боддог. Харин тайван эвшээж сэрж байвал та тайван байж болно. Гэхдээ тэр гэр бүл болон нууц амраг гэсэн хоёр амьдралгүй л бол өглөө тийм ч түгшсэн сэрэхгүй.

15. Эцэг эхэд чинь сайн ханддаг

Тэр заавал хадам ээжийгээ ээжээ гэж дуудах шаардлагагүй бөгөөд өдөр бүр түүн рүү залгах шаардлагагүй. Зүгээр л таны гэр бүлд хүндэтгэлтэй хандаж, шаардлагатай тохиолдолд туслах, аз жаргал, зовлон гунигийг нь хуваалцдаг байхад хангалттай. Харин тэр эцэг эхэд тань хүндэтгэлгүй хандаж байвал яагаад гэдгийг нэг бодоод үзээрэй.