Гэвч нэг талаас уйлах нь гүн өрөвч сэтгэл, хүн хоорондын холбоо болон бодит сэтгэл хөдлөлтэй холбоотой юм. Хүмүүс сэтгэлийн гүнд хуримтлагдсан томоохон гунигаа гаргахын тулд уйлдаг. Уйлснаар хүн зайлшгүй шаардлагатай тайтгарлыг авахаас гадна аливаа шокноос ангид байж чаддаг. Ингээд та бүхэнд уйлахын давуу талыг танилцуулж байна.
1
Бусдын сэтгэл санааг ойлгох
Хайртай нэгэн болон найздаа тохиолдсон гунигт үйл явдлыг сонсох болон хэн нэгний дурсгалт өдөр цугларах зэрэг бусдын зовлонг гүнээ ойлгож өрөвдөх үед хүн уйлдаг. Киноны ямар нэг дүрийн зан чанар болон гунигт үйл явдал нь мөн биднийг уйлуулдаг билээ. Ийм нөхцөлд уйлах нь хүнлэг чанар болон бусдын хэрэгцээг мэдрэх маш эерэг дохио юм.
2
Стресс тайлах
Хүмүүс хэвийн, сэтгэл хөдлөлгүй мэт харагдавч маш их стресс болон дарамт дор байх нь олон. Насанд хүрсэн хүний хувьд бухимдлаа удирдах, ажлын байранд мэргэжлийн зан төлөвөө авч үлдэх шаардлага гардаг. Гэвч энэ нь эрүүл бус харилцаа болон асуудлыг дарах хандлагыг илэрхийлдэг юм. Уйлах зэргээр сэтгэл хөдлөлөө илэрхийлэх нь стрессийг тайлахад ач тустай. Энэ нь хүчирхийлэл, уур хилэн болон амиа хорлох зэрэг аргуудаас хавьгүй илүү эрүүл арга юм.
3
Шок эмчлэх
Гуниглахаас гадна маш гэнэтийн тохиолдлоор уйлах үе бий. Ихэнхдээ үүнд ямарваа нэгэн шалтгаан болон хамаарал байдаг. Нэг төрлийн шок эсвэл шийдэгдээгүй маргааны нэг жижиг илрэл ч байж болно. Харьцангуй энгийн тохиолдолд бодсоноосоо илүү сэтгэл хөдлөл гаргах нь хэн нэгний хэлсэн зүйл болон ганцаардал эсвэл өнгөрсөн дэх гунигт үйл явдалтай холбоотой байж болно. Иймэрхүү тохиолдолд уйлах нь дотроо хадгалсан зүйлсээ олох чухал дохио бөгөөд өөрийгөө илүү ойлгож өсөн дэвшихэд тус болдог юм.
