1
Улаан далайн эрэг, Хятад
Хятадын Лианин мужид байрлах энэ далайн эрэг хаврын улиралд улаан болон шар өнгийн замагт хучигддаг аж. Энэ газар хэдийгээр буудаллаж болохгүй ч дэргэдүүр нь тавьсан машин замаар явж өнгөрөх нь үнэхээр гайхалтай сэтгэгдлийг төрүүлнэ.
2
22-р хурдны зам, Энэтхэг
Энэтхэгийн Химачел уулны хажууд тавьсан энэ зам дэлхийн хамгийн аюултайд тооцогддог. Энэхүү зам дээр ердөө хоёр машин зөрж өнгөрөх боломжтой бөгөөд суудлын машинаас илүү том машин зорчихыг хориглодог. Гэхдээ адреналинаа ялгаруулах дуртай хүмүүст үүгээр явж үзэхийг зөвлөж байна. Хэрвээ та адал явдалд дуртай бол энэхүү замыг сонгоорой.
3
Стелвио хавцал, Итали
Италид байдаг 1700 метрийн гүн энэ хавцал руу буухын тулд та нарийн машины зам ашиглахаас өөр арга байхгүй. Зуны улиралд адал явдал эрэлхийлсэн хүмүүс Стелвио хавцлыг унадаг дугуйтай туулдаг бөгөөд жил бүр хэдэн мянган жуулчид энэхүү газрыг үзэхээр зорьж ирдэг байна.
4
7 милийн гүүр, АНУ
11 км урт үргэлжлэх энэхүү аварга байгууламж АНУ-ын Флорида мужийн Монро гүнлэгт байрладаг. Гүүр баригдаж байх үедээ дэлхийн хамгийн урт гүүр байв.
5
Цөлийн зам, Арабын Нэгдсэн Эмират
Хэрвээ та эцэс төгсөлгүй үргэлжлэх элсэн далайгаар аялахыг хүсвэл энэхүү замаар яваад үзээрэй.
6
Зулукын зам, Энэтхэг
Торгоны замд багтаж байсан энэхүү эртний зам нийт 30 км үргэлжлэх бөгөөд нийт 100 нугалаатай. Өдгөө энэхүү замаар явахын тулд танд тусгай зөвшөөрөл хэрэг болно.
7
Шиншан хурдны зам, Хятад
Шиншан нууран дээр барьсан уг хурдны зам дэлхийн хамгийн үзэсгэлэнтэй газруудын нэгт тооцогдож байжээ. Үүгээр явж байгалийн сайхныг мэдрэхийг хүссэн олон мянган жуулчин дэлхийн өнцөг булан бүрээс ирдэг гэнэ.
8
12-р хурдны зам, АНУ
АНУ-ын Юта мужийн хурдны зам дээр олон тооны кино зураг авалт болсон байдаг. Энэ нь үлгэрийн юм шиг үзэсгэлэнтэй цөл нутаг байдагтай холбоотой юм. Хэрвээ та зураг мэт сайхан цөл нутгийг үзье гэвэл энэхүү газрыг зориорой.
9
40-р зам, Аргентин
Андын нурууны дэргэд тавьсан энэхүү замаар аялбал далай, цөл, уул нурууд гээд байгалийн сайхныг бүхэлд нь мэдэрч чадна.
10
Гуйгийн зам, Франц
Францын Нурматур арлыг эх газартай холбодог энэхүү зам далайн түвшинтэй ижил хэмжээнд байдаг. Өдөрт ердөө 4-5 цагийн турш ил гарч ирдэг энэ замаар аялах үед яг л далай дээгүүр машинтайгаа давхиж буй сэтгэгдлийг та авах болно.
11
Готардын зам, Швейцарь
Швейцарийн Треиоло уулын бэлд тавьсан энэхүү замаар явж үзэх нь Альпийн нуруунд явж үзсэнээс илүү сайхан гэж хэлэх хүмүүс бий.
12
Мартагдсан зам, Шинэ Зеланд
Дэлхийн хамгийн хуучин машины замуудын нэг болох энэхүү замаар явж үзсэн хүмүүс "Яг л галзуу хулгана дээр суусан мэт аймшигтай хэрнээ хөгжилтэй" мэдрэмжийг авдаг ажээ.
13
Атлантын далайн зам, Норвеги
2005 онд "Зууны шилдэг" хэмээн өргөмжлөгдөж байсан энэхүү бүтээн байгуулалт нийт найман жижиг арлыг холбосон зам юм. Та Атлантын далайн замаар явснаар асар богинохон хугацаанд өтгөн ой, далайн эрэг, хот, тосгод гээд хүссэн бүхнээ харж чадна.
14
Их далайн зам, Австрали
Дэлхийн 1-р дайнд амиа алдсан цэргүүдийн дурсгалд зориулж барьсан энэхүү зам дэлхийн хамгийн үзэсгэлэнтэй далайн замд тооцогддог.
15
Бөгжний зам, Исланд
Энэхүү замаар явж үзсэн хүмүүс галт уул, мөсөн уул, ой, усан хүрхрээ, мөнх цастай уулс, туйлын туяа гээд итгэмээргүй зүйлсийг харж чаддаг гэнэ.
