1 Бариу өмсгөл

80,90-ээд оны үед хүүхэн залуу гэлтгүй бүтэн биеийн бариу өмсгөлөөр гангардаг байсан үе бий. Тэгвэл энэхүү загвар Хэйли Бибер, Ким Кардашиан гэх мэт алдартнуудын ачаар эргэн ирж байна. Хэрвээ та хүсвэл илүү хар бараан өнгийнхөөс сонголтоо хийж болно. 

2 Гинжин бүс

Цэвэр гоёлын зориулалттай учраас гинжин бүсийг ямар ч хувцсан дээр зүүж болно. Энэ хавраас "Chanel" бренд гинжин бүсний шинж цуглуулга гаргах гэж байгаагаас үзвэл энэхүү тренд зүгээр ч нэг хий хоосон зүйл биш бололтой. 

3 Богино цув

Сүүлийн жилүүдэд залуучууд томдсон цув, хүрмээр гангарч ирсэн билээ. Тэгвэл энэ жилээс эсэргээрээ жижиг, бариу цув тренд болж байгаа юм байна. Үүнийг өмд, банзал гээд юутай ч хамаагүй хослуулж өмсөх боломжтой учраас та нэгийг авсан байхад санаа зовох зүйлгүй аж. 

4 Гялалзсан өмсгөл

Хэрвээ та үнэхээр бусдаас ялгарч харагдахыг хүсвэл жинхэнэ утгаараа гялалзсан хувцас өмсөх боломжтой боллоо. 

5 Тод өнгөтэй цүнх

Одоо ганцхан хар бараан бус хүссэн өнгийн цүнхээ барихад хүмүүс гайхаад байхааргүй болсон. 

6 Богино банзал

Хэзээ ч моодноос гардаггүй зүйл гэвэл богино банзал байх. Гэхдээ энэ жил Miu Miu, Prada, Dior, The Attico зэрэг брэндүүд энэ тал дээр онцгой анхаарал хандуулжээ. 

7 Томдсон цамц

Бие барьсан бус аль болох том хэмжээтэй цамц өмсөх нь эрх чөлөөний илэрхийлэл болсон гэлтэй. Та үүнд тааруулаад том өмд өмссөн ч болно. 

8 Унждаг өмд

Том хэмжээтэй, унжиж явдаг өмд 90-ээд онд л тренд болж байв. Тэгвэл 2022 онд эдгээр нь эргээд эрэлттэй болсон аж. 

9 Ил гарсан даруулга

Зуны халуунд ганцхан даруулгатайгаа явах юмсан гэж бүсгүй та бодож байсан уу? Тэгвэл энэ жил таны мөрөөдөл биеллээ олсон байна. 

10 Ажлын гутал

Өндөр ултай, ганцхан хар ажилд өмсдөг гэмээр гутал 2022 онд үнэхээр өвөрмөц төрх бүрдүүлэхийг хүссэн хүмүүсийн сонголт болжээ. Энэхүү гутлыг өмнө нь дурдсан унждаг өмдтэй хослуулах бүрэн боломжтой юм.