Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Өглөөний цайндаа илүү эрүүл бүтээгдэхүүн хэрэглэхийг зорьдог хэн бүхэнд кофег орлуулах чадвартай эрүүл мэндэд тустай дараах 5 төрлийн цайг санал болгож байна. Эдгээр нь таныг эрч хүчээр дүүргэж, өдрийн турш сэтгэл санааг тань дэмжих болно.
Энэхүү цай нь ажлын бүтээмжийг нэмэгдүүлж, дархлаа дэмжихээс гадна жин хасахад ч тустай. Аягатай бүлээн усанд 1-2 зүсэм нимбэг, 1 халбага зөгийн бал хийж сайтар холино. Та өөрөө хүсвэл нэг халбага шанцай нэмсэн болно.
Энэ нь таныг өглөөг эрч хүчээр дүүрэн угтахад тусална. Мөн жүржтэй какао хольсноор холестериныг тэнцвэржүүлж, юм идээгүй цатгалан мэт мэдрэмжийг төрүүлнэ. Үүнийг бэлдэхийн тулд бага зэрэг жүржийн хальсыг нунтаглаж, жимсний шүүснээс нь шахаж хийнэ. Дараа нь какаон дээрээ сүү нэмж буцалгаад, бэлдэж тавьсан жүржийн шүүстэйгээ холино. Бага зэрэг амтгүй санагдвал зөгийн бал, сахар нэмж болно.
Энэхүү цай нь кофег бүрэн орлуулах чадвартай. Таньд бүрэн эрч хүч өгч, сэтгэлийн хямралыг даванг туулахад тусална. Үүнээс гадна лимонгарс /нимбэгний өвс/ нь элгэнд эерэг нөлөө үзүүлж, ой тогтоолтыг ч сайжруулдаг аж. Бэлдэхдээ 10 грам хатаасан навчийг 1 литр усанд буцалгаж ууна.
Цагаан гаа нь кофеноос ялгаатай нь удаан хугацаанд сэргээх нөлөөтэй. Цагаан гааны үнэр нь ядаргааг тайлж, сэтгэл санааг тайвшируулна. Ялангуяа оюуны хөдөлмөр эрхэлдэг хүмүүст маш сайн нөлөөтэй. Энэхүү цайг бэлтгэхэд маш энгийн. Цагаан гаагаа хальслаад, жижиглэж хэрчээд халуун усанд хийнэ. Нимбэг, зөгийн бал, гаа нэмсэн ч болно шүү.
Ногоон цай сэргэг кофеин агуулдаг учир кофег орлох хамгийн сайн бүтээгдэхүүний нэг юм. Түүнчлэн нянгийн эсрэг, антиоксидант, бүх төрлийн хавдрын эрсэг үйлчилгээтэй. Уг цайндаа нимбэг хольвол илүү үр дүнтэйгээс гадна усны халуун 80-85 градусаас хэтрэхгүй байх хэрэгтэй.
