1
190 тонны генератор
"Антонов Ан-225 Мрія" карго онгоц нь өнөө цагийн хамгийн их даацтай, хамгийн том хэмжээтэй агаарын тээврийн хэрэгсэл юм. 2013 онд энэхүү хүчирхэг онгоцоор Швейцарийн Цюрихээс Бахрейн улс руу 190 тонн жинтэй генераторыг тээвэрлэсэн бөгөөд энэ нь түүхэнд онгоцоор тээвэрлэсэн хамгийн хүнд ачаа болон үлджээ.
2
Цөмийн реактор
Америкчууд 1955 онд цөмийн реактор бүхий хөдөлгүүртэй "Convair NB-36H" онгоцыг зохион бүтээж туршиж байжээ. Үүнээс хэдхэн жилийн дараа буюу 1961 онд ЗСБНХУ "Ту-119" цөмийн реакторт онгоцыг мөн бүтээсэн байна. 1960-аад оны дунд үеэс хоёр орон хоёул энэхүү төслөөсөө татгалзаж, “атомын онгоц”-ыг дахин үйлдвэрлээгүй гэнэ.
3
Аварга лазер
Пуужин устгахад зориулагдсан лазер бууг урд хэсэгт нь суурилуулсан "Boeing YAL-1" хэмээх онгоцыг Америкийн агаарын хүчин 2002 онд туршиж байв. Тус онгоц хоёр ч сургуулилалтын пуужинг амжилттай устгасан боловч 2010 онд санхүүжилт нь зогссоны улмаас удалгүй төслийг бүр мөсөн хаасан аж.
4
"Дакар ралли"-ийн машинууд
Автоспортын олимп гэгддэг "Дакар ралли" уралдаан 2000 онд зохиогдох үед Нигер улсад террористуудын халдлага ихэссэн тул уралдаан тус улсын нутгаар дайрч өнгөрөх боломжгүй болжээ.. Тиймээс бүх оролцогчид болон машинуудыг "Ан-124 Руслан" хүнд даацын ачааны 3 онгоцоор Ливи улс руу тээвэрлэсэн байна. Энэхүү ажлыг гүйцэтгэхэд 18 удаагийн нислэг шаардлагатай болсноос гадна зардал нь 5 тэрбум доллар давсан байна.
5
С-130 онгоцны их бие
Хоёр жилийн турш бэлтгэл ажлыг хангаж, олон удаагийн туршилт хийсний эцэст Америкийн зэвсэгт хүчний тээврийн "C-130 Hercules" онгоцны их биеийг ижил төрлийн "C-5 Galaxy" онгоц дотор ачиж, амжилттай тээвэрлэж чадсан байна.
6
Нохойны хоолонд зориулсан амт оруулагч
Boeing 747 онгоцоор нэгэн удаа 90 тонн жин хүрэх нохойн хоолонд зориулсан амт оруулагчийг тээвэрлэсэн байна. Энэ нь онгоцны ачаа тээшийy хэсгийг бүхэлд нь эзэлжээ.
7
390 үхэр
"Boeing 747" онгоцны нисгэгчид нэгэн удаа 390 үхрийг тээвэрлэж байтал онгоцны галын дохио гэнэт дуугарахад ихээхэн сандарч ослын буулт хийжээ. Гэтэл тэр олон үхрийн биеийн дулааны нөлөөгөөр галын аюул мэдрэгч нь хуурамч дохио өгсөн байжээ.
8
Нүдний эмнэлэг
"Orbis International" компани "McDonell Douglas DC-10" хөлөг онгоц дээр “нисдэг” эмнэлэгийг байгуулсан байна. Бүрэн тоноглогдсон уг эмнэлэг нь шаардлагатай тоног төхөөрөмж муутай орнуудын ард иргэдэд нүдний эмчилгээ, оношилгоог хийхэд зориулагдсан аж.
9
Алуурчин халим
Кейко нэртэй халим нь “Free Willy” киноны баатар бөгөөд тэрээр хоёр ч удаа онгоцоор нисч үзжээ. Эхний удаад түүнийг Мехико хотоос Америкийн Орегон муж руу "C-130 Hercules" онгоцоор зөөвөрлөсөн бол дараагийн удаа "Boeing C-17 Globemaster III" онгоцоор төрөлх нутаг болох Исланд руу нь тээвэрлэсэн байна.
