“Менежментийн форум-2021” арга хэмжээ нь 12-р сарын 2-ны өдөр “Sharing is caring” уриан дор зохион байгуулагдаж, Монголын топ 150 компанийн ТУЗ-ийн дарга, гүйцэтгэх захирлууд уригдан оролцлоо. Эдийн засгийн нөхцөл байдал тасралтгүй хувьсан өөрчлөгдөж буй энэ үед бизнесийн салбарын топууд нэг дор цугласан нь дотооддоо өрсөлдөх бус гадагшаа чиглэх, дэлхийн түвшинд бүтээгдэхүүн, үйлчилгээгээ гаргахад менежментийн туршлагуудаа хуваалцах, нэгдэн ажиллахад түлхэц болж өглөө. 

Уг арга хэмжээнд Голомт банкийг төлөөлөн Гүйцэтгэх захирлын орлогч Д.Бадрал оролцож, “Бизнес процессын роботжсон автоматжуулалт”-ын талаар илтгэл тавин, байгууллагын өрсөлдөх чадвар, ажлын бүтээмж болон үйл ажиллагааны чанарыг нэмэгдүүлэх шинэ үеийн арга, хэрэгсэл, технологийн сүүлийн үеийн шийдлүүдийн талаар хуваалцлаа. 

“Менежментийн форум-2021” хурлыг хамтран зохион байгуулсан Мандал Санхүүгийн нэгдэл, Апу компани, Юнител групп, Хас банк, Премиум групп, Интелмайнд компани, М-Си-Эс Инвестментийн хамт олонд талархал илэрхийлье.