1
Цэвэр ус
Амттай кофе хийхийг хүсвэл хамгийн түрүүнд усанд анхаарлаа хандуулаарай. Крантны хатуулаг ихтэй усны оронд цэвэршүүлэн шүүсэн зөөлөн ус хэрэглэх нь зүйтэй.
2
Яарах хэрэггүй
Нойрмог өглөөг кофены амтаар эхлүүлж, өөрийгөө сэргээхээр яарч байсан ч яарах хэрэггүй гэж танд зөвлөж байна. Кофены амтыг бүрэн дүүрэн нэрж гаргахын тулд зөөлөн гал дээр удаан хугацаагаар бэлтгэх нь хамгийн зөв арга ажээ.
3
Нарийн амсартай кофе чанагч хэрэглэх
Нарийн амсартай кофе чанагчид нэрсэн кофе илүү амтлаг бөгөөд анхилам сайхан үнэртэй байдаг.
4
Давс нэмэх
Бүтэн халбага биш боловч маш багахан хэмжээний давс кофенд хийснээр кофеноос ялгарах үнэр илүү хурц болдог ажээ
5
Цагаан гаа
Цагаан гаа хийсэн кофе салахын аргагүй амттай болдог гэдгийг та мэдэх үү? Кофе чанагчид ус хийхээсээ өмнө давс болон цагаан гаагаа нэмж байхыг танд зөвлөж байна.
6
Элсэн чихэр
Бор элсэн чихэр кофенд зөөлөн чихэрлэг амтыг оруулна.
7
Нунтаглах
Жижиг эсвэл бүдүүн ширхэгтэй болгон нунтагласан кофены амт өөр хоорондоо ялгаатай байдаг ажээ.
8
Кофег буцалгах хэрэггүй
Кофе дээр өтгөн хөөсөн давхарга үүсч хөөрч эхлэх үед галыг зогсоож, намжих үед эргүүлэн нам гал дээр чанах аргыг 3 удаа давтан хийж хэвших нь зүйтэй. Кофе буцалж өтгөн хөөсөн давхарга хагарсан тохиолдолд кофены анхилуун үнэр алдагддаг байна.
9
Бүхэл үрийн кофе
Амттай кофе чанахыг хүсч байвал ямар ч эргэлзээгүйгээр бүхэл үрийн кофе сонгон худалдаж аваарай.
10
Чанасан кофегоо амрааж хэвших
Кофегоо чанаж дуусмагц аягалж уухаа түр азнаж, хамгийн багадаа 30 секунд амрааж байхыг танд зөвлөж байна. Ийнхүү шинэхэн чанасан кофег амрааснаар кофе илүү жигд таатай амттай болдог ажээ.
