14
Саудын Арабын цөлөөс олдсон чулуун дүрснүүд
Google Earth-ийн тусамжтай эрдэмтэд Саудын Арабын цөлөөс 400 гаруй чулуу өрж бүтээсэн дүрсийг ирүүлжээ. "Тамын үүд" гэж нэрлэгддэг эдгээр чулуун байгууламжуудын учрыг одоог хүртэл тайлж чадаагүй байна.
13
Нацкагийн зургууд, Перу
Амьтан ургамлыг дуурайлган зурсан хэдэн зуун зургууд Перу улс дахь Нацкагийн цөлөөс олдсон юм. Зарим зургууд нь 48 хүртэлх км урт учраас зөвхөн агаараас бүтнээрээ харагддаг байна. Эртний хүмүүс хэрхэн ийм том хэмжээний дүрсийг ийм нарийвчилж зурсан бэ гэдгийг өнөөг хүртэл судалж байгаа юм.
12
Цөлийн Петра хот, Йордан
Йорданы цөлд орших Петра хот нь дэлхийн эртний 7 гайхамшгийн нэгт багтдаг. Тиймээс олон жилийн өмнөөс тус хотыг зорин ирэх жуулчдын тоо хэдэн арван мянгаас буудаггүй байжээ. Гэхдээ ийм гайхалтай нарийн хийцтэй байгууламжийг хэрхэн эзгүй цөлийн голд барьсан нь нууц хэвээр үлджээ.
11
Улуру хадны нууц, Австраль
Дэлхийд алдартай Улуру хад нь Австрали улсын бэлгэ тэмдэг болсны дээр уугуул иргэдийн шүтдэг газар юм. Чухам эндээс 5 м өндөр хүний араг яс олдсон явдал өнөөг хүртэл эрдэмтдийн гайхшралыг төрүүлсэн хэвээр байгаа аж.
10
Африкийн Набта Плайа
Африк тивийн Нубийн цөлд орших Набта Плайа нь тус нутгийн хамгийн нууцлаг олдворуудын нэгт тооцогддог. Набта Плайа нь олон чулуун хөшөөнөөс бүрддэг бөгөөд эдгээрийг 11 мянган жилийн өмнө босгосон гэж үздэг. Тиймээс Набта Плайа нь дэлхийн хамгийн эртний чулуун дурсгалт байгууламж хэмээн тооцогддог байна.
9
Газар доорх сүм, Этиоп
Этиопын Лалибела хот дахь газар доорх сүмийг тэнгрийн элч нэг өдрийн дотор барьсан гэдэг домог бий. Үнэн хэрэгтээ 1181-1221 оны хооронд төрийн эрх барьж байсан Лалибела хааны тушаалаар асар олон тооны христийн шашны сүм дугана тус улсад барьсан байдаг учраас түүний нэрээр эдгээр сүмийг нэрлэсэн аж. Сонирхуулахад эндээс холгүй орших Данакил цөл нь дэлхийн хамгийн аюултай газруудын нэгт тооцогддог.
8
Сахарын цөл дэх халимны үлдэгдэл
Дэлхийн хамгийн халуун газар болох Сахарын цөлийн элсэн дороос халимны араг яс цөөнгүй олдсон байна. Вади Аль-Хитан буюу Халимны хөндий гэдэг энэхүү газарт ирснээр та хэдэн сая жилийн өмнө Сахарын цөл бүхэлдээ далайн усан доор байсны баталгааг харах болно.
7
Гёбекли-Тепе, Турк
Туркийн зүүн өмнөд хэсгээс олдсон Гёбекли-Тепе хэмээх хотын туурь нь эрдэмтдийн хувьд нууцын өлгий болоод байгаа. Тухайн бүс нутагт 6 мянган жилийн өмнө хүмүүс ирж суурьшсан гэж эрдэмтэд тооцолдог боловч Гёбекли-Тепе 12 мянган жилийн настай гэдэг нь тодорхой болсон юм.
6
Каса Гранде, Аризона
Хойд Америкийн Сонора цөлийн голд Каса Гранде хэмээх нууцлаг байгууламж оршдог. Эрдэмтэд хэн хэзээ яах гэж үүнийг барьсан бэ гэдгийг тогтоож чадаагүй л байна. Уг газарт Христофер Колумб эрэхээс өмнө хүн амьдрахаа больсон тул энэ тухай ямар ч баримт байхгүй гэхэд болно.
5
Говийн Стоунхенж
Шинжаан Уйгарын Турпан хотын ойролцоогоос хэдэн зуун ийм чулуун байгууламжууд олдсон юм. Эдгээрийг нарыг тахих үүднээс босгосон гэж судлаачид үздэг.
4
Мадаин Салех, Саудын Араб
Мадаин Салех хэмээх эртний байгууламж Саудын Арабд оршдог бөгөөд хэмжээгээрээ Петрагийн дараа орох цөлийн хоёр дахь том хотын туурь юм. Исламын ариун хот Мекка болон Петра хоёрын хооронд байрлалтай Мадаин Салех нь мөн олон тооны жуулчид болоод судлаачдын зорих дуртай газар болжээ.
3
Болгарын цус сорогч
Болгарын цөлжсөн бүст цус сорогчийн араг яс байдаг гэнэ. Эдгээрийг цус сорогч гэх болсны учир нь зүрхэн тус газар нь гадас зоосон байдалтай олдсонтой холбоотой юм байна
2
Хеметийн хад, Калифорни
Хеметийн хад нь АНУ-ын хамгийн нууцлаг олдворуудын нэгт тооцогддог. Тус хадан дээрх зургийг хэн яагаад сийлсэн болохыг хэн ч мэддэггүй.
1
Вади Рум, Йордан
Вади Рум буюу Сарны хөндий нь яг үнэндээ сар гэхээсээ илүү Ангараг гарагийн газаргуутай төстэй харагддаг юм. Дэлхийн хамгийн үзэсгэлэнтэй газруудын нэгт тооцогддог учраас энд жуулчид олноороо ирдэг гэнэ. Үүнээс гадна археологичид тус хөндийд хэдэн мянгаараа байдаг хадны бичмэлүүдийг судлахаар тасралтгүй ажилладаг байна. Эдгээр бичмэлүүд нь Арабын хойгийн түүхийг өгүүлдгээс гадна зарим нь нууц худагнуудын байршлыг агуулдаг ажээ.
