Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Хэдий бид анзаардаггүй ч хүссэн цагтаа халуун усанд орно гэдэг үнэн хэрэгтээ гайхалтай зүйл юм. Гэхдээ шүршүүрийн даралт үргэлж хүссэн хэмжээнд байдаггүй нь нууц биш. Өнөөдөр та бүхэнд энэ асуудлыг хэрхэн засч болох талаар хүргэхээр бэлтгэлээ.
Усны даралтаа шалгах нь тун энгийн зүйл. Шалгах үйл явц нь 3 хэсгээс бүрдэнэ.
1 литрийн сав 6 секундээс илүү хугацаанд дүүрч байвал даралт хангалттай биш байна гэсэн үг. Ерөнхийдөө минут тутамд 10 л ус гарах хэмжээнд даралтыг барих ёстой байдаг аж.
Даралтын асуудлыг шийдэх эхний бөгөөд хамгийн энгийн арга бол шүршүүрийн толгойг цэвэрлэх юм. Ямар ч шүршүүрт он цагийн эрхээр эрдэс бодис болон бусад бичир хэлтэрхийнүүд хуримтлагдаж, нүхнүүд нь бөглөрдөг бөгөөд үүнийг цэвэрлэхийн тулд уксус ашиглана.
Шүршүүрийн толгойг тайлж аваад уксуусаар дүүргэсэн саванд хийгээд 8 цаг байлгаарай. Үүний дараа толгой дахь нүхнүүдийг нарийн зүйлээр сүлбэж цэвэрлэх хэрэгтэй. Ингээд ч даралт сайжрахгүй байвал шүршүүрээ бүхэлд нь солих цаг болсон байна.
Зарим шүршүүрүүд албаар усны даралтыг бууруулж бага зардал гаргах зориулалттай хийгдсэн байдаг. Тиймээс та шинэ байранд орсны дараа даралт нь бага байвал ийм төрлийн шүршүүр суулгасан эсэхийг нь шалгахад илүүдэхгүй. Хэрвээ та бүхэлд нь шүршүүрээ солимооргүй байгаа бол задалж үзээрэй. Даралт бууруулагч нь ихэвчлэн жижиг нүхтэй цагаан диск байдаг бөгөөд түүнийг авсны дараа бүх зүйл хэвийн болно.
Танай гэрийн усны даралт нилэнхүйдээ бага байж болох тул усны гол цоргоо шалгаарай. Бага зэрэг хаасан байвал цагийн зүүний эсрэг эргүүлж нээнэ.
Хэрвээ дээрх аргууд үр дүнгээ өгөхгүй байвал мэргэжлийн хүн дуудахаас өөр арга байхгүй.
