1
One Day, 2011
Энэхүү киног ижил нэртэй номноос сэдэвлэн бүтээжээ. Хамгийн гол нь номын зохиолч нь өөрөө кино зохиол дээр ажилласан байна. Тиймээс тэрээр бүтээлийнхээ мөн чанарыг алдагдуулахгүй байх тал дээр онцгой анхаарч чаджээ. Мөн найруулагч нь номын зарим нуршуу хэсгүүдийг хассан тул кино илүү сонирхолтой болсон хэмээн үзэгчдээс сайшаал хүртжээ.
2
Gone Girl, 2014
Үзэгч, кино хорхойтнуудын зүгээс чамгүй хүлээлт үүсгэж байсан “Gone Girl” Дэвид Финчер найруулагчийн 10 дахь бүрэн хэмжээний бүтээл аж. Киноны эх зохиол болох Гиллиан Флинны ижил нэрт роман хэдэн сая уншигчийн талархлыг хүлээж, олон улсын бестселлэр болсон нь ч уг киног тойрсон дуулиан, шуугианыг нэмж байв. Үнэхээр ч Дэвид Финчер үзэгчдийн хүлээлтийг давсан бүрэн хэмжээний кино бүтээж чадсан юм.
3
The Fault in the Stars, 2014
Тус номын зохиолч Жон Грин өөрөө кино бүтэх явцад гар бие оролцсон байна. Тиймээс зохиолын үндсэн санаа болох амьд байгаа үедээ нэгнээ хайрла гэдэг санаа бүрэн хадгалагдаж чаджээ.
4
Revenant, 2015
Киноны зохиолыг найруулагч өөрөө бичсэн бөгөөд 2003 онд хэвлэгдсэн Майкл Панкегийн ижил нэртэй романаас сэдэвлэн бүтээжээ. Леонардо Ди Каприогийн тоглосон "Revenant" бол хүний хүсэл зориг, оюун санаа сөрөг зүйл рүү чиглэсэн ч байсан хэзээ ч мохдоггүй гэдгийг харуулсан бүтээл юм. Тус кино нь амьдралын төлөөх тэмцэл гэдэг ямар харгис зүйл болохыг харуулахыг зорьсон байна.
5
The Light Between Oceans, 2016
Энэхүү киног Маргот Л.Стедманы ижил нэртэй туужаас сэдэвлэсэн бөгөөд бараг л юу ч өөрчлөлгүй дэлгэцэнд буулгажээ. Тус зохиол дээр дайнаас эргэж ирсэн эр гэр бүлийн амьдралд хэрхэн дасаж байгааг харуулдаг аж.
6
Me Before Youь 2016
Британийн зохиолч Жожо Мойесын ижил нэртэй романаас сэдэвлэсэн кино. Дашрамд дурдахад, трейлер цацагдсанаас хойш эхний долоо хоногт тус номын борлуулалт нь огцом өссөн бөгөөд эцэстээ уг роман бестселлер болсон юм. Энэхүү киноны зохиолыг гаргахдаа роман дээрх "илүүц" хэсгүүдийг хассан тул өндөр чанартай, илүү гүнзгий утга агуулгатай болсон байна.
7
Cloud Atlas, 2012
Энэхүү киног Дэвид Митчеллийн ижил нэртэй романаас сэдэвлэн бүтээжээ. Найруулагч нар тун хянамгай ажиллаж чадсан тул кино нь Митчеллийн романаас дутахааргүй өндөр чанартай, сэтгэл хөдөлгөм болж чаджээ.
