Бурхнаас заяасан сүрдмээр сайхан гоёлтой амьтад (20 фото)

Yorke
2021-08-13, 12:52
ГЭРЭЛ ЗУРАГ
63,078
7
Хуваалцах

Бугын уран үгэнд итгэж эврээ алдсан тэмээ, буруу ургасан эврээсээ болж өлсөж үхсэн бардам янгир, "ишиг эврээ ургахаар эхийгээ мөргөнө" гэхчлэн мал амьтны эвэртэй холбоотой домог үлгэр, зүйр үгс манай соёлд олон байдаг. Салаа туруутны бүлэгт багтах ихэнх амьтдад өөрийгөө хамгаал, эсрэг хүйстнээ тат гэж төрөл бүрийн хэлбэртэй, сүрлэг эврийг заяажээ. Ингээд та бүхэнд домог үлгэрт орохгүй байхын аргагүй сонирхол татам эвэртэй амьтдын зургуудаас хүргэж байна.

Бурхнаас заяасан сүрдмээр сайхан гоёлтой амьтад (20 фото)

1 Янгир

Сүргийн манлай тэхийн дугуйрсан, хөндлөн бидэр бүхий эвэр нь хамгийн уртдаа 1-1.5 метр хүрдэг.

Янгир

2 Ватусси (Анколе) үүлдрийн үхэр

Эртний тур үхрийн удам болох энэхүү аварга эвэртнүүд нь Зүүн Африк, Египет, Энэтхэгт тархжээ.

Ватусси (Анколе) үүлдрийн үхэр

3 Мархор

Каракорамын уулс, Гималайд амьдардаг энэхүү зэрлэг ямаа нь үзэсгэлэнтэй спираль хэлбэртэй эвэртэй тул Пакистан улсын үндэсний амьтан болжээ.

Мархор

4 Аргаль

Нэрэндээ таарсан угалзалсан эвэр нь 190 см хүртэл урт байдаг.

Аргаль

5 Гарна гөрөөс (Хаан гөрөөс)

Баруун Африкт тархсан энэхүү гөрөөсийн нарийнхан мушгиа эвэр нь 75 см хүртэл урт байдаг.

Гарна гөрөөс (Хаан гөрөөс)

6 Импала гөрөөс

Бөгжилсөн товгоруудтай гоёмсог эврээр "гангардаг" энэхүү гөрөөс нь Африкт бий.

Импала гөрөөс

7 Бизон буюу бух гөрөөс

Сүрлэг том биетэй бизон нь манай гариг дээр 5 сая жилийн турш амьдарч байна.

Бизон буюу бух гөрөөс

8 Сахарын орикс (Сэлэм эвэрт)

Хэтэрсэн агнуурын улмаас энэхүү үзэсгэлэнтэй гөрөөс амьдардаг нутагтаа бараг устсан бөгөөд өдгөө зөвхөн хүмүүсийн хувийн үржүүлгэнд цөөн тоогоор үлджээ.

Сахарын орикс (Сэлэм эвэрт)

9 Аддакс (Мендесийн гөрөөс)

Цөл, хагас цөлийн бүсэд амьдардаг том биетэй энэхүү гөрөөсийн зүс нь зундаа цайвар, өвөлдөө бор саарал болон өөрчлөгддөг.

Аддакс (Мендесийн гөрөөс)

10 Бөхөн

Хорт утааны баг зүүчихсэн юм шиг том хамартай бөхөнгийн тоо толгой өнөөгийн байдлаар 50,000 л үлдээд байна.

Бөхөн

11 Куду гөрөөс

Африк дахь бугын төрлийн энэхүү гөрөөсний эвэр нь 1 метр хүртэл урттай байдаг.

Куду гөрөөс

12 Халиун буга

Бугын ясан эвэр 2-5 дугаар сард унаж, оронд нь 3-7 дугаар сард цусан эвэр ургаж эхлэн 8 дугаар сард дахин ясжина.

Халиун буга

13 Цагаан сүүлт буга

Халиун бугатай харьцуулвал жижиг бие, жижиг эвэртэй энэхүү төрөл нь Хойд болон Төв Америкт байдаг.

Цагаан сүүлт буга

14 Африкийн зэрлэг үхэр буюу буффало

Африк дахь үхрийн төрлүүдээс хамгийн том нь болох буффалогийн эвэр нь магнайгаа бүрхэж, "бамбай" үүсгэн ургасан байдаг.

Африкийн зэрлэг үхэр буюу буффало

15 Бонго гөрөөс

Гоёмсог зүс, судалтай Африкийн бонго гөрөөс нь өдгөө маш цөөн толгой үлджээ.

Бонго гөрөөс

16 Арабын орикс гөрөөс

Сэлэм шиг урт эвэртэй, сүрлэг том биетэй энэхүү гөрөөсний тоо толгой Арабын хойгт өдгөө мянгаадхан болжээ.

Арабын орикс гөрөөс

17 Эланд гөрөөс

Сэрвээн дээрээ ганц бөхтэй, өндөр нь 1.8 метр хүрдэг Африкийн энэхүү гөрөөс нь гоёмсог мушгиа эврээрээ онцлог.

Эланд гөрөөс

18 Бхарал хонь

Халх эхнэрийн үс шиг эвэртэй энэхүү амьтныг зүснээс нь болж "Гималайн хөх хонь" гэж нэрлэх нь бий.

Бхарал хонь

19 Ирланд буга

10000 гаруй жилийн өмнө устсан Ирланд буга нь Евразид тархаж байсан бөгөөд үлгэр домгийн гэмээр аварга эвэртэй байжээ.

Ирланд буга

20 Хандгай

Монгол орны хамгийн том амьтан болох хандгай нь бугын нэгэн адил ясан эврээ унагаж, цусан эвэр ургуулдаг.

Хандгай

ЭНЭ МЭДЭЭ ТААЛАГДСАН БОЛ ШЭЙР ХИЙГЭЭРЭЙ.

210
таалагдаж байна

33
таалагдахгүй байна

Сурталчилгаа (15)
Хаах

Сэтгэгдэл

АНХААРУУЛГА: Уншигчдын бичсэн сэтгэгдэлд caak.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0/1000
  • ×
    Хариулах ({[{ cmmnt.children.length }]})
    0/1000
    • {[{ childComment.username }]} {[{ childComment.ip_address }]} ×
      {[{ childComment.text }]}
      {[{ childComment.dislike_count }]}
    • Бусад сэтгэгдэл ()
  • Бусад сэтгэгдэл ()