2021 оны 8-р сарын 5-ны байдлаар Якут дах Сибирийн тайгын 4 381 738 гектар талбай түймэрт өртжээ. Тодруулбал яг одоо Сибирьт 178 хэсэг газар шатаж байгаа аж.

Энэ бүс ОХУ-ын Карелия, Вологда, Новгород, Воронеж, Ярославль, Ростов, Севастопол, Оренбург, Челябинск, Красноярск, Эрхүү, Омск, Томск мужуудад дэгдээд буй 100 гаруй ой хээрийн түймрээс хамгийн их хохирол амсаж байгаа юм. 

Улмаар тус нутгийн зарим хэсэгт онц байдал зарлаад нэг сар гаруй хугацаа өнгөрсөн ч бүрэн түймрийг бүрэн унтрааж чадалгүй байсаар өтгөн утаа үзэгдэх орчныг хязгаарласны улмаас гал унтраах онгоцнууд хөөрч чадахгүй саатсан аж.

Якутын орон нутгийн захиргаанаас 2633 хүн болон техник хэрэгслийн 380 бүрэлдэхүүнийг гарган, онцгой бүсэд ажиллуулж байна. Мөн Оросын ойн санг агаараас хамгаалах алба буюу "Авиалесоохрана"-ийн нисэгчид 6 тонн гаруй усыг цацсаны зэрэгцээ зохиомлоор хур тунадас унагах аргыг хэрэглэж, түймрийн хамрах талбайг тодорхой хэмжээгээр багасгажээ.

Их түймрийн утаа нийтдээ 5.3 сая хавтгай дөрвөлжин км газарт тархсан нь Европын Холбооны улсуудын газар нутгаас ч их нутаг дэвсгэрийг хамарч байгаа гэдгийг NASA-аас мэдээлсэн байв.

Түймрийн утаа хүмүүсийн амьсгалын замын эрхтэн тогтолцоонд сөрөг нөлөө үзүүлж, дархлааг сулруулж болзошгүй тул цар тахлын нөхцөл байдлыг улам бүр дордуулах эрсдэлтэй байгаа юм.

Үүнээс гадна хамгийн том хохирол бол тухайн бүс нутгийн амьтны аймаг юм.  Нийтдээ 5500 булга, 2700 буга, 1500 хандгай, 300 баавгай түймэрт өртсөн гэсэн тооцоог гаргажээ.