Япончуудын дунд согтууруулах ундааны хэрэглээ түгээмэл. Тэд олон нийтийн газар архидан согтуурахаас ичиж санаа зовдоггүй бөгөөд согтуу хүмүүс түрэмгий авир гаргаж, үймээн дэгдээгээгүй л бол эргэн тойрныхон нь тоодоггүй гэнэ.

Гэрэл зурагчин Ли Чапман Японы өдөр тутмын амьдралыг камерын хальсанд баримтжуулан үлдээдэг. Тэрээр гудамжинд унтаж байгаа согтуу хүмүүсийн зургуудаас бүрдэх гэрэл зургийн цуглуулгатай. 

Архи, согтууруулах ундаа зардаг автомат машиныг Японд бараг Фүжи уулын орой дээрээс ч олох боломжтой. Ийнхүү гудамжинд унтаж байгаа хүмүүсийг харсан гадны жуулчдын нүд орой дээрээ гардаг боловч Японы өдөр тутмын амьдралд энэ нь ховор үзэгдэл биш юм.

Гэгээн цагаан өдрөөр ийнхүү гудамжинд амарч буй хүмүүс ихэвчлэн цэвэрхэн, ажил хэрэгч хувцастай эрчүүд байдаг. 

Хяналтгүй болтлоо ингэж уух нь цаг наргүй ажилладаг тэдний ядралт, сэтгэл гутрал, ганцаардалтай холбоотой. Иймээс тэднийг бусад хүмүүс ойлгодог тул жигшиж зэвүүцдэггүй аж.