1 Орц:

• 1 лааз шош
• 4 зайдас
• 4 зүсэм гахайн нурууны мар
• 4 зүсэм цусан хиам
• 1 мөөг
• 2 жижиг улаан лооль
• 4 зүсэм талх
• 4 өндөг

2 Хийх дараалал

1. Вандуйгаа жижиг саванд хийгээд бага зэргийн галаар удаан халаана.

2. Хайруулын тавгаа тослож дунд зэрэг халаагаад зайдсаа шарж болгоно. Хүсвэл гахайн мах, цусан хиамаа зэрэг шараарай. Цусан хиам болон гахайн махаа мөн дунд зэргийн гал дээр шарах бөгөөд тал бүрийг нь 3-4 минут хуурна.

3. Дахин хайруулын тавган дээр бага зэрэг тос халаагаад мөөгөө бор өнгөтэй болтол нь шарна. Дараа нь улаан лоолио 2 хуваагаад 5 минут орчим болгоно. Мөөг, лоолио энэ хооронд давс перцээр амтлаарай. 

4. Дээрх бүгдийг хийж дууссан бол хайруулын тавгаа хоослоод талхаараа үлдсэн тосыг нь арчиж шараарай. Дараа нь өндгөө хүссэн хэлбэрээр шарж болгоно. Эцэст нь бэлэн болсон бүх зүйлээ таваглана.

Ингээд таны амтат Англи маягийн өглөөний цай бэлэн боллоо. Сайхан хооллоорой!