1
Гэрэл сордог гариг
Драко хэмээх нарны аймгийн ТРЕС-2b гариг бол хүн төрөлхтний нээсэн хамгийн харанхуй гариг юм. Драко хүлээн авсан нарны гэрлийн 99 хувийг хөрсөндөө шингээдгээр барахгүй, орчин тойрноо нүүрснээс хар нийлэг будагнаас ч бараан өнгөтэй болгодог байна. Энэ гариг одноосоо 4,828,032 км зайтай тул хэзээ ч илчээр дутна гэж байхгүй. Бидний хувьд энэ нь хол зай байж болох ч гараг эрхсийн хувьд бараг л тулах шахсан зай гэж болно. Тиймээс TrES-2b нь хэзээ ч илчээр дутахгүй гэсэн үг.
Эрдэмтэд тус гариг яагаад гэрлийг ингэж ихээр сордог болохыг тайлбарлаж чадаагүй хэвээр байна. Магадгүй энэ нь агаар мандлын хомсдолын нөлөө, эсвэл гэрэл шингээгч тоосонцор, гариг дээрх натри эсвэл титан оксидын хийн ууршилтай холбоотой байж болзошгүй гэж таамагладаг.
2
Сауроны нүд
"Сауроны нүд" нь залуу од "Fomalhaut-b" болон түүний эргэн тойрон дахь сансрын биетүүдэд өгсөн хоч юм. Эдгээрийг нэгтгэж үзвэл тэд сансар огторгуй дахь аварга том нүд шиг харагддаг байна. Тус нүдний хэмжээ нь манай нарны системийн өргөнөөс хоёр дахин том бөгөөд нийтдээ чулуулаг, мөснөөс бүрдсэн байдаг аж. Нүдний гол хэсэг дэлхийгээс 25 гэрлийн жилийн зайд оршдог.
3
Ууршиж буй гариг
"KIC 12557548 b" бол ойролцоох одонд асар удаан хугацааны турш "тамлуулж" буй гариг юм. Одон орон судлаачдын нээсэн ууршдаг гариг нь ардаа сүүлт од шиг тоосонцрын зам үүсгэн явдаг ажээ. Тус гариг 16 цаг тутамд одоо нэг тойрдог бөгөөд үүний нөлөөгөөр KIC 12,557,548 b-ийн гадаргын температур нь чулуулаг, эрдэс бодис байхын аргагүй хэт халуун болдог байна. KIC 12557548 b гаригийн бүх гариг дээр галт уулын дэлбэрэлт маш хүчтэй байдаг тул сансарт үнс цацаж, сансрын цацрагийн нөлөөн дор ууршдаг.
4
Бусад гарагуудад мөргүүлдэг гариг
Kepler-36b бол дэлхийгээс 1.5 дахин том хэмжээтэй жижиг чулуулаг гариг юм. Kepler-36b үргэлж зэргэлдээх Кеплер-36c-ийн "хохирогч" болдог. Эдгээр хоёр гариг нь Cygnus одыг тойрдог бөгөөд бие биетэйгээ харьцангүй ойрхон зайтай тул харамсалтай нь энэ тохиолдолд том гараг нь жижигдээ ноцтой хохирол учруулдаг. Кеплер-36c нь илүү хүчтэй татах хүчтэй тул ойролцоох солируудыг татаж, Кеплер-36b-ийн зүг харвадаг бөгөөд үүний нөлөөгөөр Кеплер-36b дээр өдөр бүр солир унаж дэлбэрэлт үүсдэг. Хамгийн харамсалтай нь, Kepler 36b-д нөхөн сэргэх боломж байхгүй гэнэ.
5
Шилээр бороо ордог гараг
HD 189773b эхлээд харахад бүхэлдээ уснаас бүтэх гариг мэт харагдаж болох ч бодит байдал нь тэс ондоо юм. HD 189773b нь манай гаригтай төстэй далай тэнгисээр дүүрэн үзэгддэг нь уг гаригийн агаар мандалд олон тооны силикат тоосонцор агуулагддагтай холбоотой. Өөрөөр хэлбэл, цэнхэр өнгөөр харагдах агаар мандал нь силикат тоосонцорыг нягтруулж, өндөр температурын (галт уулын дотортой адил) нөлөөгөөр шил болгож хувиргадаг аж. Харин тэдгээр шил нь доошоо ойролцоогоор 6500 км цагийн хурдтай буудаг гэнэ. Нэг ёсондоо энэ гариг дээр байнга шилээр бороо ордог байна.
