1 Даниэл Радклиф (Daniel Radcliffe)

Даниэл Радклиф цахим орчинд өөрийг нь шүүмжилсэн сэтгэгдэл уншина гэхээс маш их айдаг тул нийгмийн сүлжээний хаяг нээх бодол байхгүй гэж хэлж байсан удаатай. Түүний хувьд өглөө бүр босоод өөрийнхөө тухай сөрөг сэтгэгдэл сонсоно гэдэг хар дарсан зүүдтэй адил гэнэ.

2 Эмма Стоун (Emma Stone)

Эмма Стоун саяхнаас нийгмийн сүлжээний хаягуудаа хаасан аж. Тэрээр цахим орчинд дэндүү их сөрөг зүйл байдаг гээд хүмүүс аар саар зүйсээр оролдох нь хэвийн үзэгдэл ч тийм зүйл өөрт нь тохирохгүй гэж хэлсэн байна.

3 Роберт Паттинсон (Robert Pattinson)

Роберт Паттинсон 2017 онд ямар ч тохиолдолд олон нийтийн сүлжээнд хаяг нээхгүй гэж байсан юм. Гэвч тэрээр саяхнаас "твиттер хэрэглэх зугаатай байдаг." гэж хэлснийг харахад бодлоо өөрчилсөн бололтой. Гэхдээ түүнд албан ёсны хаяг байхгүй бөгөөд нэрээ нууцлан бусдыг дагахыг илүүд үздэг шинжтэй.

4 Кристен Стюарт (Kristen Stuart)

Тэрээр олон нийтийн сүлжээг хүмүүсийн амьдралд ихээхэн хэрэгтэй зүйл гэж үздэг ч өөрт нь хэрэггүй хэмээн мэдэгдсэн байдаг.

5 Саоршэ Ронан (Saoirse Ronan)

Тэрээр олон нийтийн сүлжээнд болж буй зүйлсийн аясыг дагах нь туйлын залхуутайн дээр хүний амьдралд хэрэгцээгүй явдал гэж хэлсэн юм. 

6 Брэд Питт (Brad Pitt)

Брэд Питт өөрийн гэсэн цахим хаягтай байхыг хүсдэггүй ч түүгээр дамжуулан өөрийн талаарх цуурхлыг дарж болох тул тун хэрэгтэй зүйл гэж үздэг гэжээ. Гэхдээ тэр өөрөө нийгмийн сүлжээний хаягаа хөтөлдөггүй байна.

7 Эмили Блант (Emily Blunt)

Эмили Блантын хувьд жүжигчин гэдэг өөрийгөө бусдад өөр хүн гэж итгүүлэх мэргэжил тул жинхэнэ төрхөө бусдад дэлгэх нь зохимжгүй хэрэг гэж үздэг тухайгаа хуваалцаж байсан.

8 Сандра Буллок (Sandra Bullock)

Сандра Буллок нийгмийн сүлжээнд гарсан бүх зүйлд итгэж, хямрах гээд байдаг учраас өөрийгөө түүнээс аль болох тусгаарлахыг оролддог гэжээ.

9 Даниэл Крэйг (Daniel Craig)

Даниэл Крэйг өөрийнхөө болоод гэр бүлийнхээ амьдралыг олны хэл амнаас зайдуу байлгахын тулд нийгмийн сүлжээ хэрэглэдэггүй.

10 Кейт Бланшетт (Cate Blanchett)

Кейт Бланшетт нийгмийн сүлжээг хүмүүстэй холбогдох хүчирхэг хэрэгсэл гэдгийг мэддэг ч интернет хэрэглэгчдийн дийлэнх хэсгийг хүүхэд шиг сэтгэхүйтэй гэж үздэг учир асуудлаас хол байхыг эрмэлздэг гэнэ.

11 Скарлетт Йохансон (Scarlett Johansson)

Скарлетт Йохансон нийтлээд байх сонирхолтой зүйл байхгүй учраас нийгмийн сүлжээгүй гэж хэлж байв. 

12 Кейт Мосс (Kate Moss)

Кейт Мосс хэдэн жилийн өмнө нийгмийн сүлжээний бүх хаягуудаа хааж байгаагаа мэдэгдсэн билээ. Тэрээр ийм аргаар хувийн мэдээллээ бусдад алдахаас сэргийлж байгаа аж.

13 Жорж Клуни (George Clooney)

Жорж Клуни алдартнуудын амьдралд өрнөж буй бүх зүйлийг мэдэх шаардлага үзэгчдэд байхгүй гэж үздэг учраас нийгмийн сүлжээнд нэгдээгүй гэнэ. Тэрээр мөн буруу зүйл хуваалцсанаас болж ямар ч хүн том асуудалд орж болзошгүйг анхааруулаад, нийгмийн сүлжээнээс аль болох хол байх хэрэгтэй гэж зөвлөсөн байна.

14 Оливиа Кольман (Olivia Colman)

Оливиа Кольман "алдар нэр хайсан хүмүүс л олон нийтийн сүлжээнд өөрийнхөө тухай хуваалцаж, хүмүүсийн анхаарлын төвд орохыг хүсдэг." гэж хэлжээ. 

15 Кэйра Найтли (Keira Knightley)

Кэйра Найтли хэсэг хугацаанд нийгмийн сүлжээнд нэгдсэн боловч маш түргэн бодлоо өөрчилжээ. Тэрээр хүмүүсийн юу хуваалцдагийг хараад хүүхдүүдээ том болох хүртэл шинэ хаяг нээхгүй гэж шийдсэн аж.