Жил гаруйн өмнө 24 настай Жастин Фернандез (Justin Fernandes) аймшигт осолд өртсөн байна. Тэрээр зам хөндлөн гарч яваад хурдтай  мотоциклд дайруулж, азаар амьд үлдэж чадсан ч эмч нар түүний нэг хөлийг тайрахаас аргагүй болжээ. Эмнэлгээс гарсны дараа Жастин өөрийн эрхтнээ орхихыг хүссэнгүй. 

Харамсалтай нь Канадын хууль тогтоомжийн дагуу тайруулсан хөлийг эздэд нь олгох боломжгүй байв. Гэсэн ч тэрээр бууж өгөхийг хүссэнгүй, хэдэн зуун удаа утасдаж, хүсэлт гаргаж хөлөө авахын тулд бүхий л аргаар оролдсон байна. 

Олон хүн залуу эрд туслахыг хүссэн боловч яг яах ёстой учрыг нь олохгүй байлаа. Гэвч Жастинд аз тохиож, тусалж чадах хүмүүстэй уулзсан нь Торонтогийн Байгалийн Түүхийн Музейн ажилтнууд байв. Тус байгууллагад Хойд Америкийн ан амьтны аймгийг төлөөлөх олон олдвор байсан бөгөөд амьтны ясыг маш сайн мэдэх мэргэжилтнүүд түүнд туслахаар болсон байна. 

Мэргэжилтнүүдийн танилын хүрээ, холбоо харилцааны тусламжтайгаар бүрэн ариутгалын нөхцөлд хадгална гэж ятгаж чадсаны үр дүнд Жастинд хөлийг нь буцаан өгсөн аж. 

Эмнэлэгт түүний хөлийг хөлдөөсөн байсан бөгөөд булчин мөгөөрснөөс нь салгаж, дараа нь устөрөгчийн ислээр цэвэрлэсэн байна. Ийнхүү зул сарын баярын бэлгэндээ хөлөө эргүүлэн авч чадсан гэнэ.