ОХУ-ын үзэсгэлэнт офицерт чухам юу тохиолдсон бэ?

Одоогоос жил гаруйн өмнө ОХУ-ын офицер Анна Храмцова Оросын үзэсгэлэнт хууль сахиулагчдын тэмцээд түрүүлж, түүний гэрэл зургууд цахим орчинд түгснээр дэлхий даяар олон мянган шүтэн бишрэгчидтэй болсон билээ. Гэвч үүнээс хойш төд удалгүй тэрээр улсдаа хүчин зүтгэхээ болих үед олон хүн түүнийг загвар өмсөгчийн карьер хөөхөөр албан үүргээ орхисон гэж шүүмжилж байсан юм. Гэвч үнэн хэрэгтээ олны харааг булаасан үзэсгэлэнт офицер албаны дүрэм журмыг зөрчсөн шалтгаанаар үүргээсээ чөлөөлөгдсөн байна.

Залуу албан хаагчийг ажлаас нь чөлөөлөх болсон шалтгаан Аннагийн инстаграмаас үүдэлтэй байсан гэж түүний удирдлагууд мэдэгдэв. Тэрээр албан байрандаа байх үеэрээ дүрс бичлэг хийж цахим орчинд нийтэлсэн нь "Оросын Үндэсний Гвард"-ын оффисын байранд бичлэг хийхгүй байх журмыг зөрчсөн гэжээ.

Гэвч Анна энэ шийдвэртэй санал нийлэхгүй байгаа бөгөөд хамт ажилладаг хүмүүсийнх нь атаархал, ялангуяа ахлахуудын дургүйцэл, таагүй хандлагаас болж ийм нөхцөл байдал үүссэн хэмээн үзэж байгаагаа Москвагийн радиод өгсөн ярилцлагадаа дэлгэрэнгүй тайлбарласан юм.

Тэрээр ярилцлагадаа тэмцээнд ялсны дараагаас л элдэв асуудлууд урган гарч эхэлсэн гэв. Анна тухайн цагаас дайсагнасан хандлагыг мэдрэх болсон бөгөөд түүний эргэн тойрон дахь уур амьсгал нь хов жив, атаархлаас үүдэж өдөр ирэх тусам хурцдаж байснаар эцэст нь албан үүргээс нь чөлөөлөхүйц ноцтой болж хувирсан байна.