1 Молли Уизлигийн дүрд Жули Уолтерс

Харригийн дотны найз Рон Уизлигийн ээж цувралын хамгийн дутуу үнэлэгдсэн дүрүүдийн нэг юм. Хүний сэтгэлийг татах чадвартай жүжигчин Жули Уолтерсын бүтээсэн энэхүү дүр Харри Поттерын эцэг эхийг нас барсны дараа түүний ээжийг орлосон цор ганц нэгэн байж болох юм.

2 Артур Уизлигийн дүрд Марк Уильямс

Артур Уизлиг бид яаж мартаж болох билээ. Шидтэнгүүдийн яамд ажилладаг хөгжилтэй аавын дүрийг Британийн хошин урлагийн жүжигчин Марк Уильямс бүтээсэн. 

3 Флер Делакурын дүрд Клеманс Поэзи

Флер Делакуртай анх дөрөвдүгээр анги дээр "Гурван шидтэн"-ийнтэмцээнд оролцохоор Францаас ирэхэд нь бид танилцсан билээ. Францын жүжигчин Клеманс Поэзи өдгөө кино урлагийн карьераа үргэлжлүүлж байгаа юм.

4 Виктор Крамын дүрд Станислав Ианески

Флер Делакурын адил Виктор Крам бол дээрх тэмцээний оролцогчдын нэг байсан билээ. Мөн та түүний Хермонигийн зүрх сэтгэлийг татах гэсэн бүтэлгүй оролдлогыг санаж байгаа байх. Энэхүү дүрийг Болгарын жүжигчин Станислав Ианевски бүтээжээ.

5 Дин Томасын дүрд Альфред Енох

Эхний ангиас эхлээд бүх цувралын туршид Харритай нэг анги, Гриффиндор тэнхимийнхэн болох хүүхдүүд үе үе гардаг. Тэдний нэг нь Алфред Энохын тоглосон Дин Томасын дүр байв. Жүжигчин хагас Англи, хагас Бразил гаралтай бөгөөд өдгөө 10 гаруй кино, телевизийн нэвтрүүлгүүдэд тоглоод байгаа юм. 

6 Симус Финниганы дүрд Девон Мюррей

Симус бол Харригийн бас нэгэн ангийн найз байсан бөгөөд Диний хамгийн сайн найз байсан тул тэд нэг өрөөнд хүртэл хамт амьдардаг байв. Түүний дүрд жүжигчин Девон Мюррей тогложээ.

7 Олимп Максимын дүрд Фрэнсис Де Ла Тур

Хагридын сэтгэлийг татсан цорын ганц эмэгтэй Максимийн дүрийг жүжигчин Фрэнсис де ла Тур цэнхэр дэлгэцнээ авчирсан. Тэрээр Алиса гайхамшгийн оронд, сүүлд Netflix-ийн Энола Холмс дээр ажилласан билээ. 

8 Профессор Спроутын дүрд Мириам Марголес

Хогвартсын ид шидийн сургуульд шидэт ургамлын хичээл заадаг, асуудал үүсвэл ярилцахад бэлэн байдаг, найрсаг хөгжилтэй Профессор Спроутын дүрийг жүжигчин Мириам Марголес бүтээсэн байна. Хөгжилтэй баримт дурдахад тэрээр цувралын эхний ангиудад Дамблдорын дүрийг бүтээсэн жүжигчин Ричард Харрисд дургүй гэдгээ шууд хэлж байжээ.

9 Профессор Трелонигийн дүрд Эмма Томсон

Сибилл Трелони бол Хогвартсын сургуулийн мэргэ төлгийн багш бөгөөд Харри Поттерын хувь заяаг зөгнөдөг гэдгээрээ чухал дүр юм. Хачирхалтай багшийн дүрийг Алтан бөмбөрцөг, Оскар зэрэг дэлхийн томоохон кино наадмуудын шагналт жүжигчин Эмма Томпсон бүтээсэн. Тэрээр алдартай жүжигчнээс гадна уур амьсгалын өөрчлөлтийн эсрэг идэвхтэй дуу хоолойгоо өргөдөг. 

10 Аластор Мүүдигийн дүрд Брендан Глисон

Харригийн Хогвартсад сурч байх хугацаандаа уулзсан бүх профессоруудаас Аластор Мүүди бол хамгийн хачин хүмүүсийн нэг байсан билээ. Түүний гадаад төрх, аймаар шилэн нүднээс эхлээд хандлага нь хүртэл ердийн байсангүй. Энэ жигтэй мөртлөө хүндэлмээр эрийн дүрд алдарт жүжигчин Брендан Глисон тоглосон байна. 

11 Нарцисса Малфойн дүрд Хелен Макрори

Жүжигчин Хелен Макрори нь Харригийн сургуульд удаан хугацаанд дайсагналцаж байсан Драко Малфойн ээж Нарцисса Малфойгийн дүрд тоглосон аж. Хэдийгээр Нарциссагийн дүр дэлгэцэн дээр тийм ч их харагддаггүй ч гэсэн зөв цагтаа үзэгчдийн төсөөлшгүй үйлдлийг хийж киног улам сонирхолтой болгодог тул тун чухал дүр юм. 

12 Питер Петтигрюгийн дүрд Тимоти Спаллт

Рон Уизлигийн тэжээвэр амьтан болж олон жилийн турш жүжиглэсэн Питерийн дүрд жүжигчин Тимоти Спалл тоглосон. Тэрээр 1996 онд цусны хорт хавдартай болох нь тогтоогдсон ч кино, телевизийн карьераа үргэлжлүүлсээр байна. 

13 Ремус Люпиний дүрд Девид Тевлис

Энэхүү киноны хамгийн мартагдашгүй дүр, хүндэлмээр профессоруудын нэг болох Ромус Люпиний дүрийг Девид Тевлис бүтээсэн.

14 Рита Скитерийн дүрд Миранда Ричардсон

Хачирхалтай, дуулиант хэрэг бүрийг судлахаар мөшгих Рита Скитер сурвалжлагчийг та бүхэн тод санаж байгаа байх. Түүний дүрийг Британийн нэрт жүжигчин Миранда Ричардсон бүтээсэн байна. 

15 Ксенофилиус Лавгүүдийн дүрд Рис Ифанс

Харри Поттерийн адал явдалд маш бага үүрэг гүйцэтгэсэн өөр нэг дүр бол Лунагийн аав Ксенофилиус Лавгүүд юм. Гэсэн ч энэ дүр дэлгэцэнд гарах богинохон хугацаандаа хүн бүрийн анхаарлыг татсан нууцлаг, сонин байж чадсан билээ. Уг дүрийг бүтээсэн жүжигчин Рис Ифанс Харри Поттерийн дараа  "Гайхамшигт Хүн-Аалз" кинонд тоглосон.