1940 онд түүнд газар уснаа явагчийг бүтээх санаа төрсөн бөгөөд тэр хэдэн жилийн дараа дөрвөн дугуйт “Rhino”-г зохион бүтээжээ.

“Rhino” нь 1.8 метрийн диаметртай, тус бүрдээ 680 кг жинтэй дугуйтай. Уг дугуйгаар хад чулуу, шавар шавхай, элс шороо гээд ямар ч гадаргуу дээр явах боломжтой ажээ. 

Дугуйны хөндий хийцийн ачаар усан дээр ч асуудалгүй явна.

“Хирс”-ийн урт нь 5.8 метр, өргөн нь 2.9 м, өндөр нь 2.7 метр бөгөөд үүний 2 метр орчим нь дугуйны өндөр юм гэнэ. Нийтдээ 5 тонн жинтэй уг газар уснаа явагч нь 72 км/цаг хүртэл хурдлах хүчин чадалтай. Харин усан дээр 8 км/цаг хурдлах ба хүндийн төв нь доор байрлах учир 65 градусын налууд чөлөөтэй явж чаддаг.

Агнидес өөрийн бүтээлийг армид санал болгосон боловч дугуй нь галт зэвсгийн суманд хялбар сүйдэх эрсдэлтэй гэх үндэслэлээр уг бүтээлийг сонирхоогүй гэнэ. 

Одоог хүртэл “Rhino”-ийн туршилтын бичлэг хадгалагдаж байгаа ч уг аварга машин зөвхөн цор ганц хувилбартай аж.