Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Эд зүйлсийн ажиллагаатай байх цаг хугацаа хэдхэн жилээр хэмжигдэх болсон энэ үед цаг хугацааны сорилыг давсан дурсгалтай зүйлс ч байх ажээ. Энэхүү нийтлэлд одоо цагт ч ашиглах боломжтой эртний 10 дурсгалт эд зүйлсийн талаарх мэдээллийг хүргэж байна.
Товчилсон нэр нь "Wolverhampton Instrument for Teaching Computing from Harwell" гэх утгатай. Энэхүү компьютерийг 1949 онд бүтээж 1951 онд ашиглалтад оруулсан. 2.5 тонн жинтэй, 10 мянга гаруй эд ангитай бөгөөд долоо хоногт 80 гаруй цаг ажиллах чадвартай ажээ. Уг төхөөрөмжийг өдгөө атомын судалгааны математикийн тэгшитгэлийг шийдвэрлэхэд хэрэглэдэг байв.
Энэ мотоциклл моодноос ер гардаггүй. Үйлдвэрлэгч нь үүнтэй ижил төстэй загварыг 50 гаруй жилийн турш үйлдвэрлэсээр ирсэн бөгөөд бүх цаг үеийн хамгийн шилдэг мотоцикл гэгддэг Royal Enfield-ийн түүх 1891 онд эхэлсэн байна. Цаг хугацаа өнгөрөх тусам аюулгүй байдлын стандартыг хангахын тулд зарим өөрчлөлтүүдийг оруулсан ч Royal Enfield бол дэлхийн хамгийн эртний хоёр дугуйтай загваруудын нэг юм.
Энэ чийдэн Томас Эдисоны үеэс Калифорнийн гал унтраах төвд 1901 оноос хойш гэрэлтүүлсээр ирсэн юм.
Бүтээгдсэн цагаасаа эхлэн өнөөг хүртэл энэхүү чийдэн ганц л удаа буюу долоо хоногийн хугацаанд унтарч байсан гэнэ. Видео камерыг чийдэнгийн ойролцоо суурилуулж, чийдэнг үргэлжлүүлэн гэрэлтүүлж байгааг батлах зорилгоор интернетэд цацдаг ажээ.
Хэзээ ч хоцрогддоггүй өөр нэг зүйл бол виски юм. Хуучин Бушмиллийн спиртийн үйлдвэр Хойд Ирландад 1608 онд байгуулагдсан ба 400 гаруй жилийн турш энэ салбарт тэргүүлэх бүтээгдэхүүн үйлдвэрлэсээр ирсэн байна. Бушмиллийн үйлдвэрт өнөөдөр ч виски хийдэг бөгөөд үйлдвэрийн түүхэн музейг хүртэл байгуулжээ.
Данийн Копенхагенээс хойд зүгт 430 жилийн настай Баккен хэмээх парк байдаг. Энд галзуу хулгана, хайрын хонгил, баар, ресторан зэргээс авхуулаад хөгжилдөх 100 гаруй арга бий. Цэцэрлэгт хүрээлэн 1583 онд нээгдсэн бөгөөд өдгөө ч зочдыг хүлээн авсаар байна. Дундад зууны Европт үүнтэй ижил төстэй газрууд олон байсан боловч ихэнх нь хаалгаа барьжээ.
Мароккогийн Аль-Карауины их сургууль нь албан ёсоор хамгийн эртний их сургууль болох нь батлагдаж Гиннесийн дээд амжилтын номонд багтжээ. Тус сургууль 850 онд Фез хотод байгуулагдсан бөгөөд дараа нь Коран судрын номлол заадаг сүм болж хувирсан байна.
Дарс удах тусам сайжирдаг гэж хүмүүс ярьдаг шүү дээ. Энэ лонхыг 350 онд Ромын язгууртны шарилын дэргэд булсан байсныг Дэлхийн нэгдүгээр дайны үеэр Германд олж нээжээ. Олдвор болсон цагаан дарсыг уух боломжтой эсэхийг хэн ч мэдэхгүй, гэхдээ ихэнх хүмүүс бүх зүйлийг байгаагаар нь үлдээж, эртний энэ ундааг амсах бодлоо орхих нь дээр гэж үздэг байна.
Дэлхийн хамгийн эртний мод Шведэд бий. Энэхүү 9550 гаруй жилийн настай гацуур Фулу ууланд оршдог байна. Цаг уурын өөрчлөлт, байгалийн гамшиг, дайн гээд хүн төрөлхтний түүхийн бүхий л цаг үеийн гэрч болсон түүхтэй гацуур аж.
Энэ мангас нь Сибирийн мөнх цэвдэгээс олдсон бөгөөд үстэй харьцуулахад 100 дахин нарийн гэнэ. Эрдэмтэд 30 мянган жилийн настайд тооцогддог эртний Питовирусыг он удаан жилийн нойрноос нь сэрээжээ. Гэхдээ уг вирус аюултай биш аж.
Энэхүү нарийн навчит давирхай (Silene stenophylla) нь 31800 жилийн настай. Дээр дурдсан вирусын нэгэн адил ургамлыг сэргээсэн байна. Хэрэмний нүхний олдворуудаас гэсгээж амжилттай шилжүүлэн суулгасны дараа мөнх цэвдгийн нөхцөлд амьд үлдсэн цэцгийн үр нахиалжээ.
