Эхээс төрсөн ах дүү зургаан гөлөгний нэг нь төрөлхийн хавтгай гавлын ястай Бу байлаа.

Энэ гажигийг нь эс тооцвол бусдаар эрүүл саруул, цовоо сэргэлэн боловч түүнийг хэн ч худалдаж авахыг хүсэхгүй байсан учир айлд үнэгүй үрчлүүлсэн байна. Гэтэл ингээд ч түүний хатуу амьдралыг өөрчилж чадсангүй. 

Түүнийг авсан хосууд арын хашаандаа оосорлож уясан байв. Тэд түүнийг хайрладаггүй, хайхардаггүй байв. Улмаар эзэд нь нүүх болж 5 жилийн дараа өөр айлд өгчээ. Тэр үед Жеймитэй уулзсан байна. 

Жейми Буг гэр бүлдээ хүлээн авч хайр ямар байх ёстойг мэдрүүлэн халамжилжээ. 

Жейми нохойны тухай интернетээс олж мэдсэн бөгөөд эцэж туйлдсан, тураалтай Буг хараад сэтгэл нь өвдөж, шууд л үрчилж авахаар шийдсэн гэнэ. 

Бу, Жейми хоёр одоо салшгүй найзууд 

Бу өдөр ирэх тусам хэчнээн ухаалаг болохоо харуулсаар байгаа бөгөөд дулаан гэртээ хоолоо сайн идэж, жаргалтай байгаа гэнэ. 

Олон жил зовсны эцэст тэрээр учрах ёстой хүмүүстэйгээ уулзсан байна. Харин одоо Бу гэдсээ илүүлэх, гэрийнхэнтэйгээ тоглох, машинаар зугаалах дуртай ажээ.