Уран бүтээлч байшингийнхаа гадаа цогцоснууд байрлуулж, хиймэл цусаар газар будсан аж. Нэг цогцсыг  хөрөөдүүлсэн мэтээр, нөгөөг байшингийн дээвэр дээр тавиад өөр нэгийг нь сейфэнд цохиулж үхсэн байхаар төсөөлж бүтээсэн байна. Тэр хиймэл хүмүүсийг яг л бодит мэт харагдахаар цусан улаан өнгөөр будсан аж. 

Стивен бараг л өдөр бүр цогцоснуудыг засаж, янзалж байсан бөгөөд өглөө эртлэн босож цусыг нэмж буддаг байсан гэнэ. Нохойгоо салхилуулж, гүйж яваа хүмүүсийг цочирдуулах "аймшгийн баяр"-ын дэггүй төлөвлөгөө нь энэ байж л дээ. 

Түүний энэхүү санаа амжилттай хэрэгжиж, зохиомол урхинд орсон хүмүүс цагдаад дуудлага өгсөн ба цагдаа нар ирээд Стивенийг дэндүү үнэмшилтэй хийснийг нь гайхшраад буцсан байна. 

Мөн түүнийг гэртээ эзгүй байхад нь цагдаа нар хэд хэдэн удаа ирсэн бөгөөд хэргийн газрын нотлох баримт болгож зураг хүртэл дарж байсныг хөршүүд нь гэрчлэх гэнэ. 

Ямартай ч уран бүтээлч сахилгагүй төсөөллөөрөө олон хүнийг цочирдуулж чадсан байна. Харин дараа жил тэр үүнээс ч илүү аймшигтай зүйл сэдэх болно гэжээ.

Харин дараах зургуудад бусад айлууд гэрээ хэрхэн чимэглэснийг харуулах болно.