Охины ээж 30 настай Эмили Шмитт угаалгын өрөөнд шүршүүрээс гараад үсээ хатааж байхдаа охиноо сатааруулахын тулд гар утсаа өгсөн байна. Сахилгагүй охин Карсин (Karsin) энэ мөчийг ашиглаж, ээжийнхээ нүцгэн зургийг чимээгүйхэн ардаас нь дараад "Snapchat" дээрх бүх найзуудад нь явуулсан байна. 

Бүсгүй зургуудын тухай хамт ажилладаг хүнээсээ зурвас ирэхэд л олж мэджээ. Бяцхан охин их сургуулийн хуучин ангийнхан, ажлын түнш, танил үйлчлүүлэгчид, бусад ажилчид гээд олон хүнд ээжийнхээ нүцгэн зургийг илгээсэн болж таарав.

Эвгүй явдлын тухай мэдсэн даруйдаа Эмили хүмүүсээс уучлалт гуйж, стори оруулжээ. Түүнийг ийнхүү олон нийтийн сүлжээгээр өөрийн түүхээ хуваалцахад бусад эцэг эхчүүд ч өөрсдөд нь болон хүүхдүүдэд тохиолдсон хөгжилтэй түүхүүдийг ярьж эхэлжээ. 

Тэр нөхөртэйгөө ярилцаад болсон явдлыг үнэнээр нь тайлбарлаж, учраа хэлэхээр шийдсэн нь түүнтэй ижил нөхцөлд байдалд орж байсан олон эцэг, эхчүүдийг ч хөгжилтэй түүхээ дэлгэхэд хүргэсэн байна.