1 Бяслаг болон томаттай гоймон

Орц:

• Солонгосын алдарт халуун ногоотой гоймон
• Сүү
• Нэг зүсэм бяслаг
• Нэг ширхэг өндөг
• Томатны амтлагч

Хийх заавар:

1. Гоймонгоо богино долгионы зууханд багтах аяганд хийж халуун ус нэмнэ. Дараа нь дунд хүчдэл дээр тааруулж 1 минут халаана.
2. Үүний дараагаар усаа асгаад 5 халбага сүү, 7 халбага халуун ус, хагас халбага амтлагч нэмнэ. Ингээд дахин богино долгионы зуухандаа 2 минут халаана.
3. Дараагаар нь өндгөө нэмж хийгээд дахин 1 минут халаана.
4. Өндгөө гоймонтойгоо холиод дээр нь бяслагаа тавьж 1 минут халаана.

Хамгийн сүүлд ньамтлагчаа хагас халбага хийгээд л идэхэд бэлэн боллоо.(Гал дээр чанаж хийж болно)

2 Улаан лоольтой бэлэн гоймонгийн шөл

Орц:

• Дурын бэлэн гоймон
• (Улаан лоольтой бол бүр сайн)
• Нэг ширхэг Улаан лооль
• Нэг ширхэг Өндөг

Хийх заавар:

1. Гоймонгоо богино долгионы зууханд багтах аяганд хийж халуун ус нэмнэ. Дараа нь дунд хүчдэл дээр 1 минут халаана.
2. Амтлагчуудаа хийгээд, улаан лоолио зүсээд хийнэ. Ингээд дунд хүчдэл дээр 2 минут халаана.
3. Өндгөө нэмээд үргэлжлүүлэн дунд хүчдэл дээр 1 минут халаана.
4. Өндгөө гоймонтойгоо холиод дунд хүчдэл дээр 1 минут халаана.

Ингээд л амтат улаан лоольтой бэлэнгоймон маань бэлэн болно. Хэрвээ өндгөө бүтэн болгож идэх бол сүүлийн минутаа 2 минут халаагаарай.(Гал дээр чанаж хийж болно)

3 Кимчитэй бэлэн гоймонгийн шөл

Орц: 

• Нон шимийн бэлэн гоймон
• Гучужан
• Зайдас
• Далайн байцаа
• Кимчи

Хийх заавар:

1. Гоймон болон амтлагчаа хамтад нь буцалгана.
2. Нэг халбага гучужан нэмнэ
3. Зайдсаа нэмнэ
4. Хамгийн сүүлд кимчи болон далайн байцаагаа нэмээд таны шөл бэлэн болно.

4 Хүйтэн гоймон

Орц:

• Нон шимийн бэлэн гоймон
• Нарийн хэрчиж бэлдсэн өргөст хэмх
• Нарийн хэрчиж бэлдсэн хиам эсвэл зайдас
• Гучужан, Шар буурцагны тос, Sesame соус
• Цуу, Нунтаг чили, Гүнждийн үр
• Кола

Хийх заавар:

1. Соусаа бэлдэнэ: 2 халбага Гучужан, 2 халбага Sesame соус, 1 халбага Шар буурцагны тос, 1 халбага Гүнждийн үр ингээд хооронд нь сайтар холино.
2. Усаа буцалсны дараа гоймонгоо хийнэ. Гоймонгоо хийгээд 3 минутын дараа гаргаж хүйтэн усанд сойно. Дараа нь бэлдсэн соусаа нэмж холино.  Ингээд таваглахдаа өргөст хэмх болон хиамаа тавина.

Энэхүү аргаар гэртээ хүйтэн гоймон бэлдэж идээрэй.

5 Сүү колатай бэлэн гоймон

Магадгүй нэрээс нь харахад тийм ч тааламжтай сонсогдохгүй байж болох юм. Гэхдээ амтны хувьд тун дажгүй шүү.

Орц: 

• Нон шимийн бэлэн гоймон
• Нэг лааз кола
• Кимчи
• 500мл сүү
• Бяслаг

Хийх заавар:

1. Тогоондоо эхлээд сүүгээ хийнэ. Дараагаар нь кимчинээсээ нэмж өгнө. Бүрэн буцалсан үед нь бэлэн гоймонгоо амтлагчтай нь хамт хийгээд 3-5 минут буцалгана.
2. Буцалж байх үед нь коланаасаа нэмнэ. Бяслагаа ч мөн битгий мартаарай, ингээд үргэлжлүүлэн 1 минут буцалгаад таны урьд өмнө нь идэж байгаагүй бэлэн гоймон бэлэн боллоо.