Орц:

• Ургамлын тос - 1 хоолны халбага
• Тахианы цээж мах - 200 гр
• Сонгино - 1 ш
• Цагаан мөөг - 4ш
• Амтат чинжүү - 1ш
• Цагаан будаа - 4 аяга
• Давс, перц - хүссэн хэмжээгээр
• Шар буурцгийн цуу - 1 цайны халбага
• Кетчуп - 2 хоолны халбага
• Өндөг - 4 ш

Хийх дараалал:

1. Ургамлын тосоо хайруулын тавганд халаагаад дээрээс нь тахианы махаа хийж шаргал болтол шарна. Дээрээс нь сонгино, мөөг, ногоон чинжүүгээ нэмнэ.
2. Энэ зуур будаагаа агшаана. Агшсан будаагаа махан дээрээ хийгээд давс, перц, буурцгийн цуугаар амтална. Эцэст нь дээрээс нь кетчуп хийгээд сайн холиод будаатай махаа гаргаж тавина.
3. Хайруулын тавгаа дахин тосолж халаана. Өндгөө давс перцээр амтлаад сайтар хутгаад шарна. Өндөгний тал хэсэг дээр махтай будаагаа овоолж тавина. Эцэст нь омлетоо нугалж махтай будаагаа бүрэн битүүлнэ.
4. Омлетоо хэд хэд эргүүлж сайтар болгоод таваглана. Эцэст нь омлет дээрээ кетчуп түрхэхээ мартуузай.

Ингээд таны "Оmurice" бэлэн боллоо. Сайхан хооллоорой!