Порше компани шинэ загварын хөдөлгөөнт автобусан сууцыг "Newell Coach p50" хэмээн нэрлэсэн бөгөөд 13 метр урт талбайд айл гэрт байж болох бүх л зүйлсийг багтаасан гэдгээрээ онцлог болжээ.
Автобусанд бүрэн хэмжээний унтлагын өрөө, гал тогооны ширээ хүртэл бий.
Орны эсрэг талд 55 инчийн LG 4K UHD зурагт суурилуулжээ. Дотоод заслыг үнэт мод, гантиг чулуу, арьс шир ашиглан хийсэн нь дээд зэргийн тансаг харагдана.
"Newell Coach p50"-ын дизайнерууд шууд бус гэрэлтүүлэг, гоёл чимэглэлийг ашиглан илүү натурал шийдлийг бүрдүүлжээ. Хэдийгээр энэхүү хөдөлгөөнт автобусан байшин нь аялахад зориулагдсан боловч орон сууц, тансаг хаусаас дутахааргүй тохь тухтай болжээ.
Энэхүү тансаг зэрэглэлийн гайхамшигт аяллын хаус нь 605 морины хүчин чадалтай "Cummins x15" тусгай хөдөлгүүртэй.
Тус автобусанд "VIP Smart Wheel" хэмээх сүүлийн үеийн жолоодлогын систем суурилуулж, аюулгүй байдлыг хангасан аж.
Агааржуулалтын "Aqua Hot" төхөөрөмжийн тусламжтайгаар Сахарын цөлд ч, Сибирийн хүйтэнд ч доторх температураа хэвээр хадгалах боломжтой.
Тэр ч байтугай дотроо автомат угаалгын машин, хатаагчтай.
Энэхүү гэртээ байгаа мэт аялах боломжтой аяллын автобусыг 2 сая доллараар худалдан авах боломжтой бөгөөд нэмэлт мөнгө төлж өөрт хэрэгтэй зүйлсээ нэмж суурилуулах боломжтой аж.
Тус бүтээлийн эрэлт маш их байгаа учир автобусыг үйлдвэрлэгчид ч өөрсдөө авч чадахгүй байгаа гэнэ. Одоогоор тэд 2021 онд гарах шинэ загвар дээр ажиллаж байна.
