"France24"-ын мэдээлснээр Чили, Ливан, Хонконг, Ирак дахь засгийн газрын авилга, элит үзлийг эсэргүүцсэн олон нийтийн жагсаал дээр алиалагчийн дүрийг дуурайж нүүр будалт хийсэн эсэргүүцэгчид гарч иржээ. 

Түүхч Уильям Бланкер "Тодд Филиппийн Жокер бол хүмүүст бодитоор нөлөөхүйц хүчтэй" гэж бичжээ.

Олон нийт засгийн газрыг тэднийг сонсохгүй, иргэддээ уян хатан хандахгүй байна гэж үзэн улс төрийн тогтолцоог эсэргүүцэж жагсаал хийж байгаа. Сүүлд  "V for Vendetta" кино гарахад хүмүүс киноны гол дүртэй ижил баг зүүж нэгдмэл байгаагаа илэрхийлж байсан билээ.

Ашекм нэртэй Ливаны граффити зураачдын бүлгийнхэн Финиксийн молотов коктейл барьж буй зургийг маш томоор ханан дээр зурсан байна. 

Зарим кино шүүмжлэгчид эхэндээ "Жокер"  киног хүчирхийллийг өдөөж болзошгүй гэж байсан ч Финиксийн алиалагчийн дүр олон улсын засгийн газрын эсэргүүцлийн үеэрх хэрэгсэл болно гэж таамаглаж байсангүй.

Тэр ч байтугай эсэргүүцэгчид киноны ишлэлүүдийг өөрсдийн уриа болгон эхэлсэн байна. Тус кинон дээр хэлдэг "бид бүгдээрээ алиалагч" хэмээх үг саяхан Чили улсын нийслэлд байдаг Лос Анхелесын хөшөөний доор бичигджээ.