1 Дотоод хүнтэйгээ ярилцах

Хувь хүн өөрийгөө шүүмжлэх, доош нь хийх сэтгэхүйтэйгээ тэмцэх хэрэгтэй. Жишээ нь, “би тийм ч сайн биш”, “би бусад хүмүүсээс сул дорой” гэсэн бодол бол таныг хамгийн их сэтгэлээр унагаж, хойш нь татна. Өөрийгөө дутуу үнэлсэн энэхүү бодлоос ангижрахын тулд дараах алхмуудыг хэрэгжүүлээрэй:

• өөртөө төрсөн бодлуудаа бүгдийг нь хянаж, бичиж авах
• яагаад энэ бодол төрж байгаа шалтгааныг олох
• тэрхүү муу бодлуудаа засах аргыг эрэлхийлэх
• өөрийгөө үнэлэх үнэлэмжээ дээшлүүлэх төлөвлөгөө гаргах 

2 Бодож буй зүйлсдээ үнэлэлт өгөх

Өөрийгөө үнэлэх үнэлэмжээ нэмэгдүүлэх хоёрдох үр дүнтэй арга бол сөрөг бодлуудаа хянах юм. Ингэхдээ та юуны түрүүнд өдөр бүр 10-15 минут зарцуулаад танд байнга бодогддог бүх л бодлуудаа жагсаан бич. Эхэндээ таны жагсаалт маш урт байх боловч явцын дунд сөрөг бодлууд багасаж, эерэг бодлуудын жагсаалт нэмэгдэх болно. 

3 Асуудлуудтайгаа нүүр тулах

Ихэнх хүмүүс юмыг бодохдоо маш өргөн утгаар нь шүүмжлэн боддог. Ингэж өргөн утгаар бодсоноор болох байсан зүйлсийг ч болохгүй мэтээр, чадах байсан ч чадахгүй мэтээр төсөөлөн бодож эхэлдэг. Иймээс таагүй бодлоо аль болох алга болгох гэж хичээх хэрэгтэй. Ингэснийхээ дараагаар л жинхэнэ асуудлаа тодорхойлж, шийдвэрлэж чадна. ​

4 Сэтгэл зүйчээс туслалцаа авах

Өөртөө итгэх итгэлээ нэмэгдүүлэх аргуудтай танилцлаа. Тэгвэл өөртөө итгэх итгэл муутай байна гэдэг нь хувь хүний өмнө тулгарч байгаа олон асуудлуудын нэг. Өөрийгөө бодитоор үнэлж, өөрт тулгарсан асуудлуудаа шийдвэрлэж чадахгүй байгаа хүмүүст мэргэжлийн сэтгэл зүйчийн тусламж хэрэгтэй. Сэтгэл зүйчид хандсанаар танд тулгамдаад байгаа асуудлуудыг хамтдаа ярилцаж шийдвэрлэх, сэтгэл гутралаас гарахад тань тусална.