Аогашима нь дэлхийн хамгийн алсагдсан суурьшлын бүсэд тооцогддог. Япон хэлнээс тус арлын нэрийг орчуулвал "үл мэдэгдэх" гэсэн утгатай. Тус арал нь арал нь кальдерагийн галт уулын бүстэй ижил тогтоцтой. Дотор нь байрлах Маруяма галт уул нь 200 метр өндөр бөгөөд энэ нь өнөөг хүртэл идэвхтэй хэвээр байна. Хамгийн сүүлд энэ галт уулын дэлбэрэлт 1781, 1785 онд болсон бөгөөд тухайн үед арлын хүн амын бараг тал хувь нь нас баржээ.

Тэр явдлаас хойш 50 жил өнгөрсний дараа арлын хүн ам хуучин хэмжээндээ хүрсэн юм. Одоогийн байдлаар Сотояма хэмээх уулын дотоод цагирагт хүрэх 2 арга байдаг. Тэдний нэг нь "Neisei Shizak" туннелээр явах юм. Гэхдээ түүгээр явах нь эрсдэл өдөртэй учраас нутгийн иргэд л түүгээр зорчдог аж. Харин нөгөө арга нь уулын хормойгоор тойрч явах бөгөөд тэр зам нь арай тойруу ч хамаагүй аюул багатай юм.

Хэдийгээр идвэхитэй галт уулын доор амьдарч байгаа нь нутгийн иргэд түүнд огтхон ч санаа зовдоггүй. Харин ч тэд галт уулын илчийг ашиглан хоолоо буцалгаж, хэрэглээний усаа халааж, бүр саунд хүртэл суудаг гэнэ. Нутгийн иргэд загас, газар тариалан эрхэлж амьдардаг боловч арлын ихэнх хэсэг нь онгон дагшин хэвээр аж.

Тус аралд хүрэхийн тулд долоо хоногт нэг явдаг хөлөг онгоцонд суух юмуу яаралтай үе тохиолдсон бол шуудангийн нисдэг тэргээр явж болох юм.