1
Американо (Caffè Americano)
Эспрессо кофены дээр бага зэрэг халуун ус хийхэд л "Американо" маань бэлэн болно. Дэлхийн 2-р дайны үеэр Америк цэргүүд кофегоо удаан уухын тулд ус хийж ууж эхэлж, харин дайны дараа Америк бариста нар энэхүү аргыг нь хэрэглэж кофе бэлдэх болсон байна.
2
Латте (Café Latte)
Эспрессо кофены дээр бага зэрэг хөөсрүүлсэн сүү хийж Латтeг найруулдаг. Латте нь хөөсөрсөн сүүтэй байдаг тул сүүн (flat white) кофеноос ялгахад хэцүү. Гэхдээ сайн ажиглавал сүүн кофе нь арай бага сүүтэй байдаг.
3
Каппучино (Cappuccino)
Дэлхийн дээрх хамгийн алдартай кофе гэхэд хилсдэхгүй биз. Эспрессо кофе, хөөрүүлсэн сүү, сүүний хөөс зэрэг 3 давхаргаас бүрддэг. Заримдаа сүүний хөөсөн хэсгийг шоколадны ширхэг, эсвэл нунтаг шоколаднаас ч сонгон хийж болно. Италичууд каппучиног өглөөний цайндаа хэрэглэдэг.
4
Эспрессо (Espresso)
Нунтаг кофег кофены машинд хийн өндөр даралтаар буцалсан усаар даран аяганд хийж авна. Энэ бол эспрессо кофег чанах арга юм. Чанаж уух амархан мэт боловч өөртөө тохирсон сайн чанарын кофе олж авна гэдэг бол тийм ч амархан зүйл биш.
5
Цагаан кофе (Flat white)
"Киви кофе" хэмээн нэрлэгддэг хар, цагаан (flat) гэсэн 2 төрөлтэй энэхүү кофе нь Шинэ Зеланд, Австралиас гаралтай аж. Цагаан кофег бэлдэхдээ эспрессон дээр бага зэрэг хөөс багатай сүү нэмдэг. Цагаан кофег хүүхдийнхээ хичээл сургуульд анхаардаг эцэг эхчүүд тэдэндээ цаг гарган сэргэг, эрч хүчтэй байхын тулд уудаг гэнэ.
6
Хар кофе (Long Black)
Халуун усаа аяганд хийж, дээр нь 2 шот эспрессо хийнэ. Хэрэв эхлээд эспрессогоо дараа нь усаа хийвэл энэ нь американо болдог. Хар кофе нь Американо кофеноос хүчтэй, эспрессо кофен дээр тунадаг хөөс ихтэй байдаг байна.
7
Маккиато (Macchiato)
Маккиатог хийхдээ кофе болон сүүгээ аягаа дагуулан удаанаар хийх бөгөөд каппучино кофетой төстэй боловч хөөрүүлсэн сүү хийдэггүй. Үүнээс гадна эспрессо кофетой адил жижигхэн аяганд хийн үйлчилдэг.
8
Мокачино (Mochaccino)
Мока гэдэг нь яг л латте шиг хирнээ дээр нь шоколадны үйрмэг, крем, хөөсөн кремтэй байдаг. Халуун шоколад, латте кофены холимог учраас маш сайхан амттай.
9
Ирланд кофе (Irish coffee)
Энэхүү кофе нь бага зэрэг виски, сахартайгаас гадна дээгүүрээ зузаан кремтэй байдаг. Архины хольцтой учир Шинэ Зеландын кофе шопуудад зарагддаггүй, зөвхөн ресторануудад л зардаг байна. Шотланд виски, уусдаг кофе хоёрыг хольж уухгүй байхыг зөвлөж байна.
10
Вена (Vienna)
Вена кофе нь 2 хүчтэй тусгай эспрессог холин дараа нь сүү болон сахараа хийснээр бэлэн болдог. Кофены амт хүчтэй харин сахар багатай.
11
Аффогато (Affogato)
Аффогатог кофе гэж хэлэхэд тохиромжгүй. Дессертэн дээр (ихэвчлэн зайрмаг) эспрессог асгасан бэлддэг ч дессертний амт өөрчлөгддөггүй.
