1
Давталт бол хүмүүсийн анхаарлыг татах гол түлхүүр
Ихэнх бизнес эрхлэгчид өөртөө итгэлтэй байдал үйлчлүүлэгчдээ татах гол чадвар гэж боддог. Үнэндээ, үйлчлүүлэгчид тухайн зүйлийг аман болон бичгэн хэлбэрээр хэд хэдэн удаа сонсоогүй л бол итгэдэггүй болсон.
2
Үйлчлүүлэгчдийн хүсэл сонирхолд нийцсэн мэдээлэл өгөх
Өөрийн санаагаа бусад хүмүүсийн байдал, амьдралтай холбон тайлбарлах. Бусдыг өөртөө хурдан итгүүлэх, сэнхрүүлэх гэсэн хоосон уриа лоозонгоос аль болох зайлсхийж амьдралд ойрхон зүйлсээр жишээ авах нь зөв юм аа.
3
Үр дүнг эсрэг тохиолдолтой жишиж тайлбарлах
Баримт, мэдээлэл ярьж байснаас болсон явдал, түүх ярих нь хамаагүй үр дүнтэй. Ярьж байгаа түүхээ сонсогчидтойгоо холбон, тэднийг хамааруулж ярьвал бусдад илүү ойр санагдах болно. Гарах үр дүнгийнх нь тухай эсрэгээр нь эсвэл тойруугаар ярьвал хуучинсаг үзэлтэй хүмүүсийн санаа бодлыг эргүүлэхэд тусална.
4
Үйлчлүүлэгчдийнхээ нөхцөлд байдалд нь тохируулан ярих
Хөрөнгө оруулагч, хамтрагч, үйлчлүүлэгчдээ өөртөө татахын тулд санаагаа хэрхэн илэрхийлэх талаар бодолцох хэрэгтэй. Таныг сонсож байгаа хүн бүтээлч, зөн совиндоо итгэдэг хүн байвал логик ажиллагаа шаардсан байдлаар яривал хүссэн үр дүндээ хүрэхгүй л болов уу. Тиймээс уулзалт, ярилцлагаасаа өмнө сонсогчоо судлах, харилцаа тогтоох гээд үзэх хэрэгтэй.
5
Найз нөхөд, танилаараа дамжуулан танилцах
Ихэнх хүмүүс шинэ мэдээлэл, шинэ хүмүүстэй танилцахдаа өөрсдийн таньдаг хүмүүсээрээ дамжуулдаг талтай. Иймэрхүү найз нөхөд, танилын хүрээний уулзалт зохион байгуулах нь цаг хугацаа, хүчин чармайлт их орох боловч нэлээдгүй ашиг тус өгнө.
6
Санаагаа бодит болгох
Таны толгойд шинээр бий болсон санаа бусдад харагдахгүй, төсөөлөгдөхгүй байдгаас зарим тохиолдолд танд итгэхгүй байх үе ч бий. Ялангуяа хөрөнгө оруулагч нартай уулзах үед иймэрхүү зүйлс олон тохиолддог тул аль болох санаагаа биет болгох, загвар гаргаарай.
7
Бусдын сонирхлыг татахуйц баримт бэлдэх
Олон нийтийн сүлжээ бол бага өртгөөр олон хүмүүст хүргэж болох хүчирхэг зэвсэг юм. 1000 хүн таны санааны тухай үзэл бодлоо илэрхийлэх нь ганцаараа тэмдэглэл хөтлөхөөс илүү үр дүнтэй шүү дээ.
Эцэст нь хэлэхэд хөрөнгө оруулагч, хамтрагчдыг өөртөө татах хамгийн сайн арга бол бизнесээ өргөжүүлж, бодитоор авч яваа байдал юм. Бизнесиын цаашдын төлөвлөгөө, асуудал гарах үед зохицуулах шийдэл, баталгаатай бизнесийн загвар, сэтгэл ханамжтайгаар тогтмол худалдан авдаг хэрэглэгчидтэй цаашид тогтвортой ажиллах чадамж бүхий бизнес л хөрөнгө оруулагчдын сонихрлыг илүү ихээр татна.
Бизнес эрхлэгчид шинэ санаагаа урам зоригоор эхлүүлж, бусдыг ятгаж, өөртөө татах, худалдан авалтаа нэмэгдүүлэх зэрэг ажлуудыг ч хийх хэрэгтэй болдог. Тиймээс бизнесийн амжилтанд хүрье гэвэл ятган үнэмшүүлэх чадвар хамгийн чухал гэдэгт судлаачид санал нэгтэй байдаг.
