Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Сэрүүний улирал ирж байгаатай холбогдуулан энэ намрын дүр төрхийг тодорхойлох загварын чиг хандлагыг танилцуулж байна. Та доорх хувцаснуудаас сонголтоо хийж, намрын дэгжин төрхөө бүрдүүүлээрэй.
Намрын эхэн үе бол дуртай зуны даашинзаа дулаахан хүрэмтэйгээ хосуулан өмсөж, загварлаг имиж бүрдүүлэхэд яг тохирох мөч билээ.
Ажлын цаг дууслаа л бол цагаан хувцас өмсөхгүй гэдэг бичигдээгүй дүрмийг халцгаая. Цагаан өнгө нь тэнгисийн гүн хөх өнгөтэй гайхалтай зохицож жилийн аль ч үед нүдэнд дулаахан, цэмцгэр харагдана.
Хэрвээ намрыг ямар нэг өнгөөр илэрхийл гэвэл үүнийг л хэлэх биз ээ. Эгэл жирийн цулгуй ноосон цамцнаасаа уйдаж байвал энэхүү 70-аад оны гэмээр трэндийг туршиж үзээрэй.
Өнгө нь өөрчлөгдөж буй намрын навчисаас санаа авч, улаавтар өнгийг хувцаслалтандаа шигтгэж өгөх нь хамгийн бага өртгөөр дэгжин хувцаслаж болох сайхан санаа шүү.
Хэт бие барьсан бус, урт сул загварын хувцас нь биеийн бүх хэсгийг далдалж, дулаахан загварлаг төрхийг бүрдүүлж өгнө.
Намрын стилдээ гэрэлтсэн цагаан өнгийг нэмж өгсөнөөр та хаана ч явсан хээнцэр дэгжин харагдана.
Хар цагаан өнгийг хослуулан өмсөх нь хамгийн сонгодог загвар боловч бага зэрэг уйтгартай байж болох юм. Тэгвэл хар цагаан өнгийн цэгүүдийг солбилцуулан хослуулж эрч хүчээ нэмээрэй.
Хавар, зуны улиралд төдийлөн тод өнгийн хувцас зарагддаггүй. Харин бүүдгэр намрын улиралд бол эсрэгээрээ. Тэдгээрийг улиралтайгаа дэгжин хослуулж өмсөөрэй.
