1
Вүүди Аллен - Өөрийн охинтойгоо гэрлэсэн найруулагч
Тэрбээр 56 насандаа эхнэр Миа Фарровоосоо салж, 21 настай өргөмөл охин Сүн и-тэй гэрлэж байжээ. Вүүди Аллен охиноо өргөж авсан өдрөөс л эхлэн түүнд дурласан бөгөөд нүцгэн зургуудыг нь авч хадгалдаг байсан гэнэ.
2
Надя Сулеман - 14 хүүхэд төрүүлсэн ч өсгөж чадаагүй нэгэн
Ганц бие ээж байна гэдэг амаргүй ажил. Надя 8 хүүхэд төрүүлсэн гэдгээрээ алдартай болж, хүмүүсийн тусламж ихээр ирэх болсон нь түүний шуналыг хөдөлгөж тэрбээр дахин 6 хүүхэд төрүүлжээ. Бүсгүй өөрийн нэр хүндээрээ хүүхдүүдээ өсгөнө гэдэгт найдаж уг шийдвэрийг гаргасан аж.
3
Крис Женнер - Олны хамгийн дургүй гэр бүлийн ээж
Кардашианы охидын ээж Крис нь баян тансаг, алдартай нэгэн болох мөрөөдлөө охиноороо дамжуулан биелүүлсэн юм. Гэхдээ охид нь ээждээ тун дургүйгээс гадна түүнийг хамгийн муу ээж гэдгийг нэгэн сэтгүүлд ярилцлага өгөхдөө хэлж байжээ.
4
Бритни Спирс - Сэтгэл зүйн асуудалтай поп од
Попын домог гэгддэг тэрбээр папараци руу халдах, олны өмнө үсээ хусах, машин мөргөх зэрэг галзуу үйлдлүүдийг хийдэг байсан бөгөөд тухайн үед 2 хүүхэдтэй байжээ. Бритни хүүхдүүддээ хайхрамжгүй хандаж үдэшлэгт яван зугаацаж, хувийн жаргалыг хөөж эх хүний үүрэг хариуцлагаа умартдаг байсан юм.
5
Кейт Мосс - Хүүхдэдээ бус хар тамхинд цаг гаргадаг ээж
Ихэнх ээжүүд хүүхдэдээ хоолыг нь бэлтгэн өгч, оронд нь оруулж, хамтдаа тоглож цагийг өнгөрөөдөг бол Кейт Мосс олон нийтийн газар хар тамхи татаж мансуурахыг илүүд үздэг байжээ.
6
Мадонна - Попын муу ээжүүдийн хатан хаан
Мадонна хүүхдээ өсгөхдөө сайн, мууг ер ялгаж чаддаггүй байв. Тэрбээр олны өмнө эмэгтэй хүнтэй үнсэлцэх, хүүгийнхээ эмэгтэй хувцастай зургийг цахим орчинд дэлгэх, шалгалтынх үеэр хүүхдүүдээ аялалд авч явах зэргээр муу үлгэр дуурайл үзүүлдэг ээж байсан юм.
7
Жим Боб, Мишел Даггер - Гэртээ хүчингийн гэмт хэрэгтэн өсгөсөн эцэг, эх
19 хүүхэд өсгөдөг эцэг, эх 2 гэр бүлийн шоу хийдэг байсан ч тэд жинхэнэ гэр бүл дотроо юу болж байгааг мэддэггүй байжээ. Том хүү Жош эмэгтэй дүү нараа хүчинддэг байсан нь илэрсэн ч тэд хүүгээ болиулах тал дээр юу ч хийгээгүй аж. Улмаар энэ явдлаас хойш тун удалгүй тэдний гэр бүлийн шоу зогссон гэдэг.
8
Дина Лохан - Галзуу, хар тамхинд донтогч Линдсей Лоханы ээж
Америкийн хэвлэл мэдээллүүд түүнийг хамгийн муу ээж хэмээн дүгнэдэг. Тэрбээр хүүхдээ 18 нас хүрэхээс нь өмнө секс, хар тамхиар дүүрэн амьдралд оруулж байсан бөгөөд олон хүмүүс охиных нь хар тамхинд донтогч болсон шалтгааныг түүнтэй холбон тайлбарладаг юм.
9
Жо Жексон - Хамгийн муу хүн
Майкл Жексоны эцэг, "Жексон 5 "хамтлагийн продюсер байсан бөгөөд тэрбээр хүүхдүүдээ сэтгэл зүйн хувьд маш ихээр тамлан зовоодог байжээ. Тэр ч бүү хэл, хүүхдүүдээ ашиглан нэр хүнд, хөрөнгө мөнгөтэй болох гэсэн түүний хүсэл агуу дуучныг нас барсных нь дараа ч үргэлжилж байв.
10
Кортни Лав - Рок одын завхарсан эхнэр
"Нирвана" хамтлагийн дуучин агсан, рок хөгжмийн домог Курт Кобейний бэлэвсэн эхнэр Кортни Лавт хүүхэд өсгөх ямар ч чадвар байсангүй. Тэр хоёрын охин Фрэнсисын дурссанаар гэрт нь байнга "Зэрэмдэгүүдийн цирк" шиг зүйл болдог байсан аж. Жишээлбэл Кортни тамхины цогоор гэртээ гал тавьж, хүмүүстэй зодолдож, геройн хэтрүүлэн хэрэглэдэг байсан нь эцэст нь охиныг гэрээ эрт орхиход хүргэсэн аж
