Иог болон спорт

Тэрээр 30 жилийн турш иогоор хичээллэж буй бөгөөд залуудаа Английн крикетийн шигшээ багт 12 жилийн турш тоглосон аж. Түүний хэлснээр спорт болон дасгал сургуулилт нь үргэлж түүний амьдралын нэгэн  хэсэг байсан бөгөөд тэр тусмаа иог нь хүний бие, сэтгэл санаа болоод тархийг хүчирхэг болгодог ажээ. Найз нөхөд нь түүнийг иогийн хатан хаан хэмээн хочилдог

Мөн тэрээр өөрийн 90 насныхаа төрсөн өдрөөр авсан шар өнгийн Мини Купер машинаа ямар ч зовлонгүйгээр барьдаг аж. "Би үргэлж л идэвхтэй амьдрахыг оролддог байсан. Бага насандаа  хүртэл үргэлж мод руу авирч, гүйж харайдаг байсан" хэмээн тэрбээр дурсдаг аж. Мөн хөдөлгөөнөөс гадна эрүүл хооллох нь хамгийн чухал бөгөөд өдөр бүр 2 хундага дарс уудаг болохоо ярьж байжээ.

105 насны төрсөн өдрөөр нь "BBC" түүний талаар нэвтрүүлэг хийсэн байна. Нэвтрүүлэгт оролцохдоо хэлж ярьж байгаа зүйл нь маш ухаалаг, саруул төдийгүй тоглоом наргиан хийж байсан нь хүмүүсийг гайхуулжээ. Ярилцлагын төгсгөлд тэрбээр "Үнэндээ би сайн гентэй төрснөөрөө азтай хүн" хэмээн наргисан байна.