Зак орчин үеийн хувцас өмсөхөө болиод арав гаруй жил болжээ. Тэрбээр ихэвчлэн 1820-аад оны хүн шиг өвдөг хүрсэн урт түрийтэй гутал, цэцгэн хээтэй урт хормойтой хүрэм өмсдөг.

"14 настайдаа би жийнсэн өмдөө шатаасан нь энэ бүхний эхлэл болсон юм. Өмнө нь зөвхөн амралтын өдрүүдэд би дээр үеийн костюм өмсдөг байсан бол зургадугаар ангидаа ороод үргэлж ингэж хувцасладаг болсон. Намайг бас төгсөлтийн монтажинд хамгийн сайхан хувцасладаг гэж тодруулсан. Үүнээс харахад хүмүүс өөрт минь хэлдэггүй ч миний байгаа байдлыг хүндэлдэг болохын жишээ гэдгийг ойлгосон" хэмээн тэрээр ярьжээ.

Анх гэр бүл нь нүүх үед элэнц өвөөгийнхөө хуучин хувцасаар дүүрэн хайрцгийг олсноос хойш тэрбээр ингэж хувцаслаж эхэлсэн байна. Сүүлдээ Зак дээр үеийн хувцасыг хайхаа ч больж, өөрөө оёж эхэлсэн байна.

Гудамжинд таарсан бүхий л хүмүүс түүн рүү гайхсан харц шиддэг ч ихэнх нь түүнтэй эелдэг харьцдаг бөгөөд охид бүсгүйчүүд ч шохоорхлоо нуудаггүй байна.  

Зак: "Би гудамжинд явж буй хүмүүст гүн сэтгэгдэл үлдээдэг. Тэдэнтэй ярилцах үед хүмүүс надад үргэлж эерэг, сайхан зүйлс хэлдэг. Ганцхан Брайтонд ч биш дэлхийн хаа сайгүй аялах үед хүн бүр надтай сайхан харьцдаг. Бүр Лондонгийн хөлбөмбөгийн улаан фанатууд хүртэл надтай эелдэг харьцсан" гэжээ.