1 Хөлөгт тоглоомын үдэш

Сард нэг удаа эсвэл 7 хоногт 1 удаа “Хөлөгт тоглоом”-ын оройг зохион байгуул. Найз нараа гэртээ дуудаж оройг зугаатай өнгөрөөх төгс шалтгаан. Та өөрөө бага зэрэг амны зугаа болох зүйлс бэлдээд, найз нараа багахан уух юм авч ирэхийг захиарай. Цаг бага бол та хоол захиалан хүргүүлж бас болно. 5-уулаа суугаад бүтэн оройн турш Monopoly тоглосон маань хичнээн хөгжилтэй байсан гэж санана.

Хэрвээ та ямар тоглоом тоглохоо мэдэхгүй байгаа бол монгол залуусын бүтээсэн Тэрбумтан хөлөгт тоглоомыг санал болгож байна. Энгийн дүрмээр тоглодог poker, 5 гарын муушиг бас гэмгүй шүү.  

2 Оройн дугуйтай аялал болон алхалт

Зуны дулаан орой дугуйтай зугаал. Эсвэл пүүзээ сайн гэгч нь үдэж аваад хөнгөхөн гүйлт хий. Амьдардаг газрынхаа орчин тойронтойгоо сайхан танилц. Ойрхон байдаг цэцэрлэгт ороод нар жаргахыг хар. Байгалийн сайхныг мэдрээрэй.

Улаанбаатар хотын хувьд Үндэсний соёл амралтын хүрээлэн, Үндэсний цэцэрлэгт хүрээлэн, Явуухулангийн талбай, Ялалтын талбай, Сүхбаатарын талбай зэрэг газарт очоорой гэж зөвлөж байна.

3 Эрдэнэсийн эрэлд

Орчин цагийн далайн дээрэмчин болмоор байна уу? Тэгвэл танд утсан дээрээ тоглож болох Geocaching тоглоомыг санал болгож байна. Маш энгийн. Та вэбсайт руу нь ороод, бүртгэл хийлгээд, өөрийн бүсэд байгаа эрдэнэсийг хайж эхлэх юм. Энэ тоглоомын тоглогчид нь дэлхий даяар ямар нэг зүйл нуусан байх бөгөөд та түүнийг хайж олох болно.

4 Шинэ зүйл сурах

Интернэт хөгжснөөр шинэ сурах зүйлс ч их болж, сурах арга зам нь ч бас дагаад хялбар болжээ. Подкаст бол сонирхолтой бөгөөд өөрийгөө хөгжүүлэх сайн аргуудын нэг болсон. Дээр нь үнэ төлбөргүй байдаг. Монгол хэл дээр подкаст сонсохыг хүсвэл Unlock подкастыг туршаад үзээрэй.

5 Movie night хийх

Хамгийн түрүүнд 5 дахь өдрийн орой хамтдаа кино үзэх найзаа олоорой. Амтат хоолоо өөрсдөө бэлтгэж, залхуу хүрвэл TokTok Delivery апп-аар захиалан, шилдэг гэсэн кинонуудаас шүүн үзэж болно. Ёсчлон авч үзвэл найзынхаа гэрт очиж movie night-аа хийх нь гэрээсээ гарсанд тооцогдоно.

6 Спортоор хичээллэх

Эрүүл бас хөгжилтэй нэгэн түгээмэл хувилбар бол найз нөхдөөрөө нийлэн зааланд сагс тоглох. Удаан уулзаагүй найз нартайгаа хамт заал авах үед суугаад ярилцах цаг ч их гардаг. Магадгүй та өөр спорт сонирхож байвал хөлбөмбөг, теннис, фитнесийг сонирхоод үзээрэй.

7 Art Gallery нээлтэнд оролцох

Ховорхон тохиолддог ч гэсэн уран зургийн үзэсгэлэн гарахад ихэвчлэн үнэгүй нэвтэрч орох эрхтэй байдаг. Бас үнэгүй дарс өгөх нь элбэг. Үүнээс гадна зургууд нь танд нэгийг бодогдуулах буйзаа. Урлагаас илүү оюун ухаан, сэтгэлийг сэргээж, бүтээлч байдлыг нэмэгдүүлэх зүйл үгүй.

8 Томилогдсон жолооч хийх

Найз нартайгаа хамт баймаар байвч уумааргүй, мөнгө үрмээргүй байна уу? Жолооч хий. Гайхалтай санаануудын нэг шүү. Мөнгө хэмнэнэ, хөгжилдөнө, клуб орвол бүжиглэнэ. Дээр нь найз нар тань чамайг хайрлах болно.

9 Window Shopping

Дэлгүүр ороод юу ч авахгүй гарч үзсэн л биз дээ? Бүгд л тийм зүйлтэй тохиолдож байсан байх. Энэ нь цаг үрсэн дэмий явдал биш байсан гэж би  хувьдаа бодож байна. Их дэлгүүрээр хэсч, гайхалтай бүтээгдэхүүнүүдтэй танилцангаа хүмүүсийг ажиглах нь бас зугаатай шүү.

10 Зүгээр л машинтай зугаал

Шатахуун хэдий үрэгдэх ч гэсэн тийм ч их зардал болохгүй байх. Оройн цагаар машинаа жолоодоод, дуртай хөгжмөө сонсонгоо их хотын амьдралын хэмнэлийг мэдрэх нь таатай байдаг. Өөртөө зорилго тавиад хотын мэдэхгүй хэсгээр жолоодлого хийж, шинэ гоё газруудыг илрүүлээрэй.

11 Амтат хоол захиалан ид

Захиалгын хоолоо гэрт ирэх үед үргэлж сэтгэл санаа өөдрөг байдаг. Та гэртээ юу ч хийж өнгөрүүлсэн бай дуртай хоолоо захиалаад амар сайхан үдшийг өнгөрүүлээрэй. Маргааш амралтын өдөр гэсэн бодол таны оюуныг амрааж, сайн тогоочийн хийсэн амттай хоол танд тав тухыг мэдрүүлнэ.

ТокТок-той холбогдох:

TokTok Playstore татах: https://goo.gl/CExrQN

TokTok Appstore татах: https://goo.gl/mw4nN8

ТокТок вебсайт: www.toktok.mn

Утас: 7766-7766

TokTok FACEBOOK like хийх: https: //www.facebook.com/toktok.mn

ТокТок INSTAGRAM дагах: https: //www.instagram.com/toktok_delivery/

TokTok YOUTUBE дагах: https://www.youtube.com/channel/UCNgDZT1RkbVd1TAUot1NQFg?sub_confirmation=1

 

Ингээд бид өөрсдийн бяцхан саналуудаа таньтай хуваалцлаа. Та өөрт таалагдсан зүйлээ хийж, Баасан гарагийн оройгоо хөгжилтэй өнгөрүүлээрэй.