1
Илгэн гутал дээрх шороог арилгахын тулд
Аяга таваг угаадаг төмөр угаагчаар сайн зүлгэх хэрэгтэй. Зөвхөн шороотой хэсгийг бус гутлын бүх хэсгийг зүлгэснээр өнгийг нь нэгэн жигд болгодог.
2
Өмдний цахилгаан барихгүй байвал
Өнгөгүй лак түрхэх, эсвэл үсний лак цацсанаар удаан өмссөн өмдний цахилгаан барихаа болих асуудлаас сэргийлж чадна.
3
Гутлын эвгүй үнэрийг арилгахын тулд
Сэрүүн орчинд байлгах хэрэгтэй. Гадаа, тагтан дээр тавих боломжгүй бол гялгар уутанд хийгээд хөлдөөгч рүү хийгээрэй. Гутлыг хөлдөөгчинд 12-24 цаг байлгах нь зөв.
4
Бараан хувцсан дээрх үнэр дарагчийн толбыг арилгахад
Жирийн нойтон сальфетка тус болно. Толботой хэсгийг арчихад л хангалттай.
5
Хувцасны өнгийг сэргээхийн тулд
Цагаан цуу эсвэл жирийн хоолны давс хэрэгтэй. Цуу нь нийлэг материалд илүү тохиромжтой байдаг. Хувцасны өнгийг нь эргүүлэн авчиръя гэвэл угаалгын нунтагтаа 2-3 халбага давс нэмээрэй.
6
Ноосон цамцыг гуужих, цоорох, бие загатнуулахаас сэргийлэхийн тулд
Цамцаа эвхээд хөлдөөгч рүү хийснээр гуужих асуудлыг багасгаж, цагаан эрвээхэйнд идэгдэхээс сэргийлдэг. Харин бие загатнуулдаг дотортой цамцыг эхэлж норгоод дараа нь хөлдөөгчинд 10 цаг байлгах хэрэгтэй. Хөлдсөн цамцыг бүлээн усанд гэсгээгээрэй.
7
Хөвөн даавууны цагаан өнгийг сэргээх
Цагаан хувцас дээрх шарласан толбыг арилгахыг тулд борийн хүчил ашиглаарай. 10 литр усанд 10гр хүчил байхаар тооцон уусгаад цагаан хувцсаа хийн 2 цаг байлгана.
8
Хувцас цахилгаанжихыг зогсоохын тулд
Төмөр бүтээгдэхүүн хувцсан дахь цахилгааныг шингээдэг. Цахилгаанждаг хувцсыг өмсөхөөсөө өмнө төмөр өлгүүр дундуур гүйлгэчхэж байгаарай.
9
Жимсгэний толбыг арилгая гэвэл
Толбыг хатаагүй байх үед нь дээрээс нь буцлам халуун ус асгах хэрэгтэй.
10
Техникийн тосны толбыг арилгах
Хувцсан дээр тогтсон мазутыг арилгахын тулд гацуур модны эфирийн тос хэрэг болно. Үүний тулд нүүр цэвэрлэгч хөвөн хоёр ширхэгийг аваад нэгийг нь толботой хэсгийн доор тавьж, нөгөө дээр нь эфирийн тос дусаагаад толбыг арилтал зүлгэнэ.
11
Хөгцөрсөн үнэрийг арилгах
Шүүгээний хөгцөрсөн үнэрийг дарахын тулд спиртийг устай 1:2 харьцаатай холиод ус шүршигчинд хийн шүрших хэрэгтэй.
12
Угаалтаас болж будаг орсон хувцсыг сэргээхэд
Цагаан өнгийн хувцсыг санамсаргүй өөр өнгөтэй хувцастай хамт угаачихсан үед калийн перманганат буюу марганц хэрэг болно. Аягатай усанд марганцийн талст 3 - 5-ыг уусгаад 9 литр халуун ус руу хийгээрэй. Дээрээс нь бүтэн барааны савангийн 1/3-ийг хэлтэлж хийнэ. Эцэст нь будаг орсон хувцсыг марганцтай ус руугаа хийж 50 минут дэвтээснийхээ дараа ердийн угаалтаар угаана.
13
Агшсан хувцсыг хэвийн хэмжээнд нь оруулах
Угаалтаас болж агшсан нэхмэл хувцсыг хэвийн хэмжээнд нь оруулахын тулд хүүхдийн шампунь ангижруулагчтай хамт, эсвэл зөөлрүүлэгч шингэн ашиглана. Шампунь болон ангижруулагч хийсэн бүлээн усанд хувцсыг дор хаяж 30 минут байлгах хэрэгтэй.
14
Зэв арилгах
Хувцас дээр тогтсон зэвний толбыг арилгахын тулд устөрөгчийн хэт исэл шингээсэн даавуугаар зүлгэх эсвэл дэвсгэр болгоод индүүдэх хэрэгтэй.
