1
Тэд юу хүсэж байгаагаа сайн мэддэг
Тэд хүслээ нарийн мэддэг тул зорилгодоо хүрэхийн тулд бүх хүчээ төвлөрүүлж чаддаг. Залуу охид уянгын халил дунд амьдралыг танин мэдэх аяллаа үргэлжлүүлсээр байх зуур эгчмэд бүсгүйчүүд өөрийн болоод хайртай хүмүүсийнхээ амжилтанд анхаарлаа хандуулж байдаг. Тэд маш ойлгомжтой харилцаж, илэн далангүй ярилцдаг тул эрчүүдэд оньсого таах шаардлага гарахгүй амар байдаг аж.
2
Амьдралын арвин туршлагатай
Эгчмэд бүсгүй харилцааны арвин туршлагатай тул тэднээс сурах зүйл олон гэж эрчүүд үздэг. Тэд аливаа асуудалд зөвхөн өөрийн үзэл бодлоор ханддаг бөгөөд тэдний туршлага нь эрчүүдэд амьдралыг бодитоор харах боломж олгож, төлөвшихөд нь дэм болдог аж. Тэд эрчүүдийг өөрсдийнх нь ч олж харж чадаагүй өнцгөөс тодорхойлж чаддаг. Тэд өөрөөсөө дүү эрчүүдийг өөрийгөө олоход нь тусалж, илүү том зорилгын төлөө тэмцэх урам хайрладаг.
3
Амьдралыг шинэ өнцгөөс харах боломж олгодог
Эгчмэд эмэгтэйтэй харилцах нь өсөж, хөгжих боломж юм. Ямар ч харилцаанд хамгийн чухал нь бие биеэ таньж мэдэх нь байдаг. Гэхдээ эгчмэд бүсгүй танд мэдрэмжээ илүү гүнзгий ойлгоход тусална. Түүнтэй байхад оюун ухааны тоглоом тоглох, таавар таах шаардлага гарахгүй. Бодсоноо шууд илэрхийлсэн ч дарамт үүсэхгүй. Улмаар харилцаа улам бэхжиж, илүү төлөвшдөг.
4
Тэд өөртөө итгэлтэй, илүү бие даасан онцлогтой
Залуу хатагтай нар халамж хүсэж, олны таашаалд нийцэхийг хүсдэг бол ахимаг насны эмэгтэйчүүд өөрийнхөөрөө тухтай байхыг эрмэлздэг. Тэрбээр өөрийгөө хэнд ч нотлон харуулах шаардлагагүй. Түүний өөртөө итгэлтэй төгс зан чанар, биеэ авч явж буй байдал нь яг л соронз гэсэн үг. Тэд эрчүүдийн анхаарлыг татахын зэрэгцээ бусад чухал зүйлсийг орхигдуулалгүй зохицуулж чаддаг.
5
Сэтгэл зүйн хувьд тогтвортой
Амьдралд олон зүйл туулсан учир сэтгэл хөдлөлдөө автан огцом үйлдэл гаргадаггүй. Сэтгэл хөдлөл, ааш зан, үйл хөдлөлөө хянаж чаддаг. Гэхдээ тэднийг уйтгартай гэж ойлгож болохгүй. Учир нь тэдний дотор үргэлж залуу авхай нартай адил жаахан охин нуугдаж байдаг бөгөөд ярилцах, хөгжилдөх дуртай учир найз залуутайгаа цагийг зугаатай өнгөрөөж чаддаг.
6
Тэд нарийн мэдрэмжтэй
Зарим залуус эгчмэд бүсгүйн амар тайван байдалд татагддаг. Залуухан охидын дундаршгүй эрч хүч сэтгэл татах нь гарцаагүй хэдий ч түүнд бүх хүн дурлахгүй. Харин нам гүм, амар тайван амьдралын хэв маягт бүгд дуртай байдаг. Эгчмэд эмэгтэйчүүдийн дийлэнх нь цэцэг, гар урлал, уран зураг зэрэг тайван зугаа цэнгэлийг илүүд үзэж, оройг диско клуб бус харин жазз клубт өнгөрүүлэх хандлага давамгайлна.
7
Тэд ухаалаг харилцагч
Эгчмэд бүсгүйчүүд ухаалаг харилцан яриа өрнүүлдэг. Тэдний амьдралын туршлага аливааг гүнзгий ойлгох чадвар суулгасан байдаг. Тэрчлэн судалгаанаас харахад 30 нас хүрсэн эмэгтэйчүүдийн олонх нь эрдмийн зэрэг хамгаалсан байдаг. Боловсролтой эмэгтэйчүүд ухаалаг бөгөөд бүх сэдвээр яриа өрнүүлж, аливааг зөвхөн өөрийнхөө үзэл бодлоор илэрхийлж түүндээ бат зогсдог тул бусдын сэтгэлийг их татдаг.
8
Санхүүгийн чадамжтай
Наснаас үл хамаарч эрчүүд санхүүгийн аюулгүй байдлыг хүсдэг нь нууц биш. Дийлэнх ахимаг насны бүсгүй тогтсон карьертай, дансандаа хуримтлалтай, санхүүгийн тал дээр тооцоотой, хариуцлагатай байдаг. Өөрөөр хэлбэл эрчүүд санхүүгийн асуудалгүй эмэгтэйчүүдэд татагддаг гэсэн үг.
9
Хүүхдүүд нь бие даасан
Хатуу сонсогдож болох ч бүх эр хүн хүүхэд өсгөх хариуцлагаас зугтдаг. Ахимаг насны эмэгтэйчүүдийн хүүхэд хэдийн том болж, тусдаа гарсан байдаг учир эрчүүд зөвхөн хосдоо бүхнийг зориулах боломж бүрддэг. Хувиа хичээсэн мэт сонсогдож болох ч зарим залуус анхаарлыг зөвхөн өөр дээрээ татахыг хүсдэг бөгөөд бүсгүйнхээ хайрыг хүүхдүүдтэй хуваалцахыг хүсдэггүй.
10
Эхийн халамжит харилцаа
Зарим тохиолдолд эрчүүд халамж хүсэж эгчмэд эмэгтэйтэй уулздаг. Сэтгэл зүй, оюун санааны халамж эрэлхийлдэг гэсэн үг. Үүнийг өөрөөр "Ээжийн синдром" гэж нэрлэх бөгөөд энэ тохиолдолд эрчүүд ээжийг нь орлон хоол хийж, хувцсыг нь эвхэж, түүний төлөө юу ч хийж чадах эмэгтэйг хүсдэг аж. Гэхдээ эгчмэд эмэгтэй бүхэн эдгээрийг хийхгүй нь ойлгомжтой.
11
Амттай хоол хийдэг
Олон жилийн туршлагатай учир дэл сул зүйлсээр амтлаг хоол хийж чаддаг. Залуу авхай нар гэртээ хоол хийх нь харьцангуй цөөн, гадуур хооллохыг илүүд үздэг бол эгчмэд бүсгүйчүүд хайртаа зориулж өөрийн гарын хоолоо хийх нь элбэг. Учир нь тэд гэр бүлээрээ, эрүүл хооллох дуртай.
Та ийм хос таних уу? Дээрх нийтлэлтэй санал нийлж байна уу? Санал бодлоо сэтгэгдэл хэсэгт үлдээгээрэй.
