Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Эмэгтэй хүн бүр бусдад үзэсгэлэнтэй, сайхан харагдахыг хүсдэг билээ. Харамсалтай нь бусдын анзаарахгүй байх гэж боддог жижиг зүйлс таны үнэлэмжийг доошлуулж байдаг гэдгийг та мэдэх үү? Ингээд бусдын нүднээс далдлах боломжгүй зүйлсийг танилцуулж байна.
Хэдийгээр сүүлийн үед өргөн хөмсөг моодонд орж байгаа ч та хөмсгөө зөв хэлбэртэй засах нь чухал юм. Хөмсөг өргөн, их үстэй байх тусмаа нүүрний хэлбэрийг алдагдуулж нүүр будалтыг болхи харагдуулдаг. Хэрвээ та үргэлж гоо сайхны салонд очиж хөмсгөө засуулахыг хүсэхгүй байвал хааяа ч болов өөрөө хөмсгөө засаж янзлах хэрэгтэй.
Хиртэй, тослогтсон үсийг боосон тохиолдолд хэн ч анзаарахгүй гэж боддог бол та эндүүрч байна. Энэ тохиолдолд та хуурай шампунийг ашиглах боломжтой бөгөөд хэсэг хугацаанд таны үсийг цэвэрхэн харагдуулах болно. Үүнээс гадна урт хэдий ч үзүүр нь салаалсан, арзайсан үс тийм ч сайхан харагдахгүй. Богино хэрнээ арчилгаа сайтай үс илүү сайхан харагддаг гэдгийг санаарай.
Эмэгтэйчүүдийн гоо сайхны нэрийн хуудас бол гар байдаг. Хэрвээ та өөртөө маникюр хийж чаддаггүй бол мэргэжлийн хүнээр янзлуулах, эсвэл өнгөгүй лакаар хумсаа будахад л хангалттай. Хэт урт, будаг нь халцарсан хумс таны гадаад үзэмжинд сөргөөр нөлөөлдөг.
Хэрвээ та төгс харагдахыг хүсэж байвал хувцсаа заавал индүүдээрэй. Зөвхөн хүний нүдэнд харагддаг хэсгийг нь индүүдэх бус бүхлээр нь индүүдэх хэрэгтэй. Маш амархан үрчийдэг хувцас их байдаг учир та худалдан авалт хийхдээ материалыг нь сайн ажиглаарай.
Чанаргүй гоо сайхны бүтээгдэхүүнээр хийсэн нүүр будалт нэг бол анхнаасаа онцгүй харагдана эсвэл хэсэг хугацааны дараа барзайж муухай болдог. Энэ нь бусдад таагүй сэтгэгдэл төрүүлээд зогсохгүй, та нүүрнийхээ арьсыг эмчлэх гэж нэлээд цаг зарцуулах шаардлагатай болно гэсэн үг юм.
Таны хувцас өнгөө алдсан л бол та шууд хаях хэрэгтэй. Жижиг нүх, хувцасны бөөсрөлтийг хэн ч анзаарахгүй гэж бодох хэрэггүй. Хэрвээ таалагддаг хувцсаа хаяхыг хүсэхгүй байвал тусгай төхөөрөмжөөр бөөсөрсөн хэсгийг нь цэвэрлэж болно. Харин жижиг нүхийг оёх нь зүйтэй.
Бариул нь элэгдсэн цүнх, шарласан пүүз, хөлсний үнэр дарагчны толботой футболк гэх мэт угаагаад арилахгүй зүйлийг шууд л хаях хэрэгтэй.
Хар толбо үүссэн хуучирсан мөнгө, өнгө нь гандсан гоёл чимэглэл нь таныг бусдын нүдэнд тийм ч таатай харагдуулахгүй.
Олон нийтийн газраар явахдаа өөрийн хувцсыг сайн анзаарч байгаарай. Хувцсан дээр наалдсан үс, утас зэрэг нь таныг бүтэлгүй, өөртөө анхаарал хандуулдаггүй нэгэн мэт харагдуулна. Тиймээс зөвхөн хувцсаа угааж индүүдээд зогсохгүй, үс наалдсан эсэхийг нь шалгах хэрэгтэй.
