1
Япон - "Басаши"
Адууны түүхий махаар хийдэг Японы үндэсний зоог. Бэлтгэхдээ адууны махыг дунд хэрийн зузаантай хэрчээд тусгай халуун ногооны соусаар амталдаг.
2
Норвеги - "Smalahove"
Норвегийн үндэсний энэхүү зоог нь ерөнхийдөө хурганы чанасан толгой юм. Гэхдээ хамгийн чухал бөгөөд хамгийн амттай хэсэг нь хурганы нүд ба чих ажээ.
3
Мексик - "Chapulines"
"Chapulines" буюу шарсан царцаа нь Мексикийн төв нутгийн ардын уламжлалт хоол юм. Царцаануудыг янз бүрийн амтлагч, халуун ногоотой хамт таваглан иддэг байна.
4
Тайланд - "Дуриан"
Бохирын шугамыг санагдуулам өмхий үнэртэй "дуриан" гэх энэхүү жимс нь Тайландчуудын бахархал гэж хэлэхэд буруудахгүй. Амт нь дажгүй ч гэсэн үнэрнээс нь болж уг жимсийг зочид буудалд болон онгоцонд суухдаа авч орохыг хориглодог байна.
5
Герман - "Zwiebelmettwurst"
Герман улс Баварийн зайдас, шар айргаараа алдартай. Гэхдээ зарим германчууд үхрийн татсан түүхий махыг сонгинотой хамт талхан дээр тавьсан "zwiebelmettwurst" хэмээх хоол иддэгийг тийм ч олон хүн мэддэггүй.
6
Барбадос - Далайн өндөг
Барбадос арлын уугуул оршин суугчид "далайн өндөг" гэх сонирхолтой хоолыг бэлтгэж иддэг байна. Лемоны шүүсээр амталсан далайн зарааны түрсийг түүхийгээр нь тавагласнаар "далайн өндөг" бэлэн болдог аж.
7
Малайз - "Бутод"
Том биетэй авгалдайнуудаар хийдэг "Бутод" хэмээх энэхүү хоолыг тийм ч олон хүн идэж зүрхлэхгүй болов уу. Нэмээд бас авгалдайнууд нь заавал амьд байх ёстой аж.
8
Эквадор - "Cuy asado"
"Cuy asado" буюу грилльдэж шарсан усан гахай нь Эквадор улсын үндэсний зоог юм. Усан гахайг ихэвчлэн төмс, янз бүрийн амтлагч ногоонуудаар хачирлаж иддэг байна.
9
Хятад - "Пидан"
Он удаан жил хадгалагдаж бараг чулуужиж байгаа болов уу гэмээр харагдах ялзарсан өндгөөр хийсэн энэхүү хоолыг хятадууд "пидан" гэж нэрлэдэг.
