1
Та олон удаа бүтэлгүйтнэ
Хүн амьдралдаа олон бүтэлгүйтэж байж л амжилтанд хүрдэг гэдгийг санаж явах хэрэгтэй. Учир нь бүтэлгүйтэл бол хамгийн сайн багш юм.
2
Мөнгө олох тийм ч амар биш
Та гэнэтхэн л сугалаанд их мөнгө хожих юм уу хэн нэгнээс их хэмжээний мөнгө өвлөж авахгүй л бол шууд ажил хийгээд их мөнгөтэй болно гэж байхгүй. Ямартай ч та боломжийн цалинтай болох хүртлээ олон жил хөдөлмөрлөх хэрэг гарна.
3
Найзууд бие биенийгээ мартдаг
Хүн хэчнээн сайн найзуудтай байлаа гээд насан туршдаа тэдэнтэйгээ холбоотой байна гэж байхгүй. Зарим хүмүүс нэг нэгнээ сайнаар дурсаж байдаг ч нас ахих тусам найзын холбоо замхарна.
4
Зүтгэл бүр амжилтад хүргэхгүй
Хүний зүтгэлийг хүн бүр сайнаар үнэлээд байхгүй. Заримдаа зүтгэж байж бүтээсэн зүйлийг тань өөр хүн булаагаад авахыг ч үгүйсгэхгүй. Тиймээс өөрийн хөдөлмөрийн бүрэн үнэлүүлэхийн тулд сайтар төлөвлөдөг байх хэрэгтэй.
5
Бүх зүйлээ дуусгасныхаа дараа уу
Залуу байхад архийг хэзээ ч уусан яахав гэж боддог. Харин энэ зангаас болоод олон хүмүүс амьдралаа балласныг санах хэрэгтэй. Тэд өөрсдийн хийж буй зүйлийг умартан уусаар сүүлдээ хаана юу хийх ёстойгоо ч санахаа больдог. Тиймээс хийх ёстой бүхнээ хийснийхээ дараа л ууж байгаарай.
6
Чөлөөт цаг гарна гэж байхгүй
Хаа нэг тийшээ зугаалах эсвэл дуртай киногоо үзэхийг хүсвэл заавал урьдаас төлөвлөх хэрэгтэй. Учир нь насанд хүрсэн хүний амьдралд чөлөөт цаг шиг ховор зүйл байдаггүй юм.
7
Дасгал хийх илүү хэцүү болно
Залуу байхад юуг ч тоолгүй дуртай зүйлээ идээд жингээ барьж болдог. Харин нас ахих тусам хоолны дэглэм барьж чадахгүй бол хэчнээн их дасгал хийгээд ч жин хасах боломжгүй болдог.
8
Хүмүүстэй харилцах хэцүү
Хүнтэй анх танилцаад найз эсвэл хосууд болно гэдэг үнэндээ амархан. Харин тэдэнтэй харилцаагаа үргэлжлүүлнэ гэдэг үнэхээр нүсэр хөдөлмөр болдог. Та өөрийнхөө бүхий л хөлс хүч, цаг заваа зарцуулж байж хүрээллийн хүмүүстэйгээ харилцаагаа хадгалж үлдэх болно.
9
Нас ахих тусам цаг хугацаа хурдан өнгөрнө
Найзтайгаа уулзаад хэдхэн сарын өмнө сонссон мэдээгээ түүнд хэлтэл найз тань тэр чинь хэдэн жилийн өмнө болсон зүйл гэж сануулах мөч 30-аас дээш насныханд түгээмэл тохиолддог. Хүн гэдэг хөгшрөх тусам цаг хугацаагаар илүү хурдан аялдаг аж.
10
Та хүмүүсийн урмыг хугална
Хүн бүр алдаа гаргадаг. Тиймээс хэзээ нэгэн цагт хэн нэгний урмыг заавал хугална гэдэгтэй та эвлэрэх хэрэгтэй. Та тэдгээр алдаанаас суралцаж байж л цаашдын ирээдүйгээ бүтээх болно.